లాంచ్‌కు ముందే Samsung Galaxy S26 FE లుక్ రివీల్..

శాంసంగ్ త్వరలో విడుదల చేయనున్న Galaxy S26 FE స్మార్ట్‌ఫోన్‌కు సంబంధించిన తాజా రెండర్లు ఆన్‌లైన్‌లో లీక్ అయ్యాయి. ఈ చిత్రాల్లో ఫోన్ బ్లాక్, గ్రీన్, పర్పుల్ రంగుల్లో కనిపిస్తోంది. Galaxy S26 మాదిరిగానే ఫ్లాట్ ఫ్రేమ్, ఫ్లాట్ బ్యాక్ ప్యానెల్, సన్నని బెజెల్స్, సెంటర్ పంచ్-హోల్ డిస్‌ప్లే, స్వల్పంగా ఎత్తుగా ఉన్న ట్రిపుల్ రియర్ కెమెరా మాడ్యూల్‌తో ఈ ఫోన్ ఆకట్టుకుంటోంది.

లీక్‌ల ప్రకారం Galaxy S26 FEలో Exynos 2500 చిప్‌సెట్, 12GB RAM, Android 17 ఆధారిత One UI 9 అందుబాటులో ఉండనున్నాయి. ఇటీవల ఈ ఫోన్ FCC సర్టిఫికేషన్‌లో కూడా కనిపించడం వల్ల లాంచ్ సమయం దగ్గరపడిందనే సంకేతాలు లభించాయి. సెప్టెంబర్‌లో జరిగే IFA 2026 ఈవెంట్‌లో ఈ స్మార్ట్‌ఫోన్‌ను శాంసంగ్ అధికారికంగా ఆవిష్కరించే అవకాశం ఉందని టెక్ వర్గాలు భావిస్తున్నాయి.