సూర్యకుమార్ యాదవ్‌కు 100 వ టీ20 అంతర్జాతీయ మ్యాచ్ ఘనత

భారత కెప్టెన్ సూర్యకుమార్ యాదవ్ తన 100 వ టీ20 అంతర్జాతీయ మ్యాచ్‌ను ఆడుతూ మరో అరుదైన మైలురాయిని అందుకున్నాడు. అత్యంత దూకుడైన బ్యాటింగ్‌తో ప్రపంచ క్రికెట్‌లో ప్రత్యేక గుర్తింపు తెచ్చుకున్న సూర్య, ఈ ఫార్మాట్‌లో భారత జట్టుకు కీలక స్థంభంగా మారాడు. కెప్టెన్‌గా కూడా జట్టును విజయపథంలో నడిపిస్తూ అభిమానుల మన్ననలు పొందుతున్నాడు.

సూర్యకుమార్ యాదవ్ కెరీర్‌లో ఇప్పటికే టీ20 వరల్డ్ కప్ గెలుపు, ఆసియా కప్‌ను కెప్టెన్‌గా అందుకోవడం వంటి ఘన విజయాలు ఉన్నాయి. అలాగే ఐసీసీ టీ20 క్రికెటర్ ఆఫ్ ది ఇయర్ అవార్డు అందుకున్నాడు. భారత్ తరఫున అత్యధిక ప్లేయర్ ఆఫ్ ది మ్యాచ్ అవార్డులు సాధించిన ఆటగాళ్లలో ఒకడిగా నిలిచాడు. 100 టీ20 మ్యాచ్‌ల మైలురాయితో సూర్య కెరీర్ మరింత ఉన్నత స్థాయికి చేరింది.