NZ vs IND: వర్షం దెబ్బకు మూడో వన్డే రద్దు..

భారత్‌-న్యూజిలాండ్‌ జట్ల మధ్య జరగాల్సిన మూడో వన్డే మ్యాచ్‌ వర్షం కారణంగా రద్దయింది. భారీ వర్షం కురవడంతో మైదానం ఆటకు అనుకూలంగా లేకుండా పోయింది. గ్రౌండ్‌ను సిద్ధం చేసేందుకు మరింత సమయం పట్టే అవకాశం ఉండటంతో అంపైర్లు మ్యాచ్‌ను రద్దు చేస్తున్నట్లు ప్రకటించారు. దీంతో ఇరు జట్ల మధ్య మూడో వన్డేలో ఆట సాధ్యపడలేదు.

ఐదు మ్యాచ్‌ల వన్డే సిరీస్‌లో భారత్‌ ప్రస్తుతం 2-0తో ఆధిక్యంలో కొనసాగుతోంది. మూడో మ్యాచ్‌ రద్దు కావడంతో సిరీస్‌ గెలిచేందుకు భారత్‌కు మరో అవకాశం మిగిలింది. ఆఖరి రెండు మ్యాచ్‌ల్లో ఒక్కదానిలో విజయం సాధించినా టీమ్‌ఇండియా సిరీస్‌ను కైవసం చేసుకుంటుంది. మరోవైపు సిరీస్‌ను సమం చేయాలంటే న్యూజిలాండ్‌ మిగిలిన రెండు మ్యాచ్‌ల్లోనూ తప్పనిసరిగా గెలవాల్సి ఉంటుంది.