గాసిప్స్
మహిళల ప్రీమియర్ లీగ్ (WPL) 2026 సీజన్లో రాయల్ ఛాలెంజర్స్ బెంగళూరు (RCB) తన విజయ పరంపరను అద్భుతంగా కొనసాగిస్తోంది. సోమవారం వడోదరలోని బీసీఏ స్టేడియంలో జరిగిన మ్యాచ్లో గుజరాత్ జెయింట్స్పై ఆర్సీబీ 61 పరుగుల భారీ విజయం సాధించి, ప్లేఆఫ్స్కు అర్హత సాధించిన తొలి జట్టుగా నిలిచింది. టాస్ గెలిచిన గుజరాత్ ముందుగా ఫీల్డింగ్ ఎంచుకోగా, ఆర్సీబీ 20 ఓవర్లలో 178/6 పరుగులు చేసింది. అనంతరం గుజరాత్ జట్టు 117/8 పరుగులకే పరిమితమైంది.
బ్యాటింగ్ ప్రారంభంలోనే ఆర్సీబీకి ఎదురుదెబ్బ తగిలింది. గ్రేస్ హారిస్ (1), జార్జియా వోల్ (0) త్వరగానే అవుట్ అయ్యారు. ఆ సమయంలో కెప్టెన్ స్మృతి మంధాన (26)తో కలిసి యువ బ్యాటర్ గౌతమి నాయక్ ఇన్నింగ్స్ను సమర్థంగా నిలబెట్టింది. గౌతమి 53 బంతుల్లో 69 పరుగులు చేసి జట్టుకు బలమైన స్కోరు అందించడంలో కీలక పాత్ర పోషించింది. చివర్లో రిచా ఘోష్ (27) వేగంగా పరుగులు జోడించడంతో ఆర్సీబీ లక్ష్యాన్ని మరింత బలపరిచింది.
భారీ లక్ష్యంతో బరిలోకి దిగిన గుజరాత్ జెయింట్స్ ఏ దశలోనూ మ్యాచ్పై పట్టు సాధించలేకపోయింది. ఆర్సీబీ బౌలర్ సయాలీ సత్ఘరే (3/21) టాప్ ఆర్డర్ను కుప్పకూల్చింది. బెత్ మూనీ త్వరగా అవుట్ కాగా, కెప్టెన్ యాష్లీ గార్డ్నర్ 54 పరుగులతో ఒంటరి పోరాటం చేసినా సరైన మద్దతు లభించలేదు. శ్రేయాంక పాటిల్ మరియు నదీన్ డి క్లర్క్ కట్టుదిట్టమైన బౌలింగ్తో వికెట్లు తీస్తూ గుజరాత్ను 20 ఓవర్లలో 117/8 పరుగులకే పరిమితం చేశారు. ఈ విజయంతో ఆర్సీబీ వరుసగా ఆరవ విజయం నమోదు చేసి, పాయింట్ల పట్టికలో అగ్రస్థానంలో కొనసాగుతోంది.
మహిళల ప్రీమియర్ లీగ్ (WPL)లో వరుసగా అత్యధిక విజయాలు
6* – RCB-W (2025–26)
5 – MI-W (2023)
5 – MI-W (2023–24)
5 – RCB-W (2024–25)
4 – DC-W (2024)
మహిళల ప్రీమియర్ లీగ్ (WPL)లో పరుగుల తేడాతో వచ్చిన అతిపెద్ద విజయాలు
143 పరుగులు – MI-W vs GG-W, ముంబై DYP, 2023
81 పరుగులు – GG-W vs UPW-W, లక్నో, 2025
72 పరుగులు – MI-W vs UPW-W, ముంబై DYP, 2023
61 పరుగులు – RCB-W vs GG-W, వడోదర, 2026
60 పరుగులు – DC-W vs RCB-W, బ్రాబోర్న్, 2023
కామెంట్స్ (1)
Super👌