ఆసియా క్రీడల్లో భారత్‌కు శుభారంభం.. ఎలవెనిల్‌కు రెండు రజతాలు

ఐచి-నగోయా ఆసియా క్రీడల్లో భారత్‌ పతకాల వేటను ఘనంగా ప్రారంభించింది. తొలి రోజు షూటింగ్‌ విభాగంలోనే రెండు రజత పతకాలు భారత్‌ ఖాతాలో చేరాయి. మహిళల 10 మీటర్ల ఎయిర్‌ రైఫిల్‌ టీమ్‌ ఈవెంట్‌లో ఎలవెనిల్‌ వలరివన్‌, సోనమ్‌ మాస్కర్‌, విదర్సా వినోద్‌ రజతం సాధించారు. అనంతరం వ్యక్తిగత ఈవెంట్‌లోనూ ఎలవెనిల్‌ మరో రజతాన్ని సొంతం చేసుకుంది.

మహిళల 10 మీటర్ల ఎయిర్‌ రైఫిల్‌ వ్యక్తిగత ఫైనల్లో ఎలవెనిల్‌ ప్రారంభం నుంచే అద్భుతమైన కచ్చితత్వంతో షూటింగ్‌ చేస్తూ పతకం కోసం గట్టి పోటీ ఇచ్చింది. చివరి దశ వరకు స్వర్ణం కోసం పోటీలో ఉన్న ఆమెను జపాన్‌ షూటర్‌ హినాటా తైచీ అధిగమించింది. తైచీ 253.0 పాయింట్లతో కొత్త ఆసియా క్రీడల రికార్డు నెలకొల్పి స్వర్ణం సాధించగా, ఎలవెనిల్‌ 252.4 పాయింట్లతో రజతం గెలిచింది. దక్షిణ కొరియాకు చెందిన బాన్ హ్యో-జిన్‌ కాంస్యం సాధించింది.