బంగ్లాదేశ్ అభ్యర్థనకు నో చెప్పిన ఐసీసీ!

బంగ్లాదేశ్ తమ టీ20 ప్రపంచకప్ మ్యాచ్‌లను భారత్ నుంచి మార్చాలని చేసిన అభ్యర్థనను ఇంటర్నేషనల్ క్రికెట్ కౌన్సిల్ తిరస్కరించినట్లు సమాచారం. ఈ నిర్ణయాన్ని వర్చువల్ సమావేశం ద్వారా ఐసీసీ బంగ్లాదేశ్‌కు తెలియజేసింది. షెడ్యూల్ ప్రకారం భారత్‌కు వచ్చి మ్యాచ్‌లు ఆడాల్సిందేనని, అలా చేయకపోతే పాయింట్లు కోల్పోయే ప్రమాదం ఉందని ఐసీసీ స్పష్టం చేసినట్లు నివేదికలు చెబుతున్నాయి.

టోర్నమెంట్ ఏర్పాట్లలో ఎలాంటి మార్పులకు అవకాశం లేదని ఐసీసీ స్పష్టంగా తెలియజేయడంతో, ఇప్పుడు బంగ్లాదేశ్ క్రికెట్ బోర్డు తదుపరి నిర్ణయం ఆసక్తికరంగా మారింది. ఈ పరిణామం రాబోయే టీ20 ప్రపంచకప్‌పై ప్రభావం చూపే అంశంగా క్రికెట్ వర్గాల్లో చర్చకు దారితీస్తోంది.