బలంగా నిలబడటం వల్లే నా ఆత్మవిశ్వాసం పెరిగింది... రీ ఎంట్రీ పై హార్దిక్ పాండ్య

“సానుకూల దృష్టికోణమే నన్ను మళ్లీ మైదానంలోకి తీసుకెళ్ళింది. గాయాల తర్వాత కూడా నేను మరింత బలంగా, ధైర్యంగా తిరిగి వచ్చాను. గాయాలు మన మనసును పరీక్షిస్తాయి, కానీ బలంగా నిలబడటం వల్లే నా ఆత్మవిశ్వాసం పెరిగింది. నిజానికి, మనమే మనపై నమ్మకం ఉంచాలి. మనపై నమ్మకం లేకపోతే, ఇతరులు మనపై ఎలా నమ్మకం ఉంచగలరు?” — టీమ్‌ఇండియా ఆల్‌రౌండర్ హార్దిక్ పాండ్య చెప్పారు.

ఆసియా కప్‌లో గాయపడ్డ తర్వాత, హార్దిక్ దాదాపు రెండు నెలల తరువాత కటక్‌లో దక్షిణాఫ్రికాతో జరిగిన తొలి టీ20లో క్రీడావీధికి తిరిగి వచ్చాడు. బ్యాటింగ్‌లో ధనాధన్ ఇన్నింగ్స్‌తో టీమ్‌ఇండియా 20 ఓవర్లలో 175 పరుగులు సాధించడంలో అతని పాత్ర కీలకంగా నిలిచింది. ఈ మ్యాచ్‌లో 28 బంతుల్లో 59* నాటౌట్ స్కోర్ సాధించాడు. బౌలింగ్‌లో రెండు ఓవర్లు వేసి 16 పరుగులు ఇచ్చి ఒక వికెట్‌ తన ఖాతాలో చేర్చుకున్నాడు. ఫలితంగా, టీమ్‌ఇండియా 101 పరుగుల తేడాతో ఘన విజయం సాధించింది.

హార్దిక్ తన వ్యక్తిగత ప్రేరణ గురించి మాట్లాడుతూ, “మైదానంలో ఉన్న ప్రతీ క్షణాన్ని ఆస్వాదించాలనుకుంటున్నాను. ఆటతో ప్రేక్షకులను ఆకట్టుకోవడం నా అసలు ఉద్దేశం. నా ప్రదర్శనలో భాగస్వామి అయిన వ్యక్తి కూడా ఒక ప్రధాన కారణం. ఆమె నా జీవితంలోకి వచ్చిన తర్వాత చాలా మంచి విషయాలు జరిగాయి” అని తన గర్ల్‌ఫ్రెండ్ మహికా శర్మను గురించి తెలిపాడు.

హార్దిక్ పాండ్య మంగళవారం ఇన్‌స్టాగ్రామ్ స్టోరీలో మహికా శర్మతో సంబంధించి వచ్చిన ఫొటో అంశంపై స్పందించారు. “మహికా బాంద్రాలో ఒక రెస్టారెంట్ సమీపంలో నడుస్తూ ఉన్న సమయంలో, ఒక ఫొటోగ్రాఫర్ ఆమెను అసౌకర్యకరమైన కోణంలో ఫొటోలు తీశాడు. వ్యక్తిగత గోప్యతకు గౌరవం ఇవ్వడం ఎంతో ముఖ్యమే.ఆడవాళ్లకు మనం కనీస మర్యాద ఇవ్వాలి. ప్రతి ఒక్కరికి హద్దులు ఉంటాయి” అని హార్దిక్ అసహనాన్ని వ్యక్తం చేశారు.