సినిమాలు
.jpg.webp&w=3840&q=75)
వాషింగ్టన్: ప్రపంచ ఫుట్బాల్ అభిమానులు ఎంతో ఆసక్తిగా ఎదురుచూస్తున్న 2026 ఫిఫా వరల్డ్కప్ డ్రా అధికారికంగా విడుదలైంది. శుక్రవారం వాషింగ్టన్లో జరిగిన ఈ వేడుకకు అమెరికా అధ్యక్షుడు డొనాల్డ్ ట్రంప్, కెనడా ప్రధాన మంత్రి మార్క్ కార్నె, మెక్సికో అధ్యక్షురాలు క్లాడియా షెన్బామ్ హాజరయ్యారు. డ్రా ప్రారంభానికి ముందు ఫిఫా తన తొలి శాంతి పురస్కారంను ట్రంప్కు అందించింది.
ఈసారి వరల్డ్కప్ రికార్డు స్థాయిలో 48 జట్లు పాల్గొనడంతో ప్రత్యేకత సంతరించుకుంది. పూర్తిగా 12 గ్రూపులుగా విభజించిన ఈ టోర్నీలో డిఫెండింగ్ ఛాంపియన్ అర్జెంటీనా గ్రూప్-జెలో ఉన్నది.
బ్రెజిల్ గ్రూప్-సి, స్పెయిన్ గ్రూప్-హెచ్, జర్మనీ గ్రూప్-ఈ, ఫ్రాన్స్ గ్రూప్-ఐలో నిలిచాయి. గ్రూప్ దశలో మొత్తం 72 మ్యాచ్లు, నాకౌట్లో 32 మ్యాచ్లు జరుగనున్నాయి. ఈ వరల్డ్కప్ గత ఎడిషన్ కంటే 40 మ్యాచ్లు ఎక్కువ ఉండటం విశేషం.
జూన్ 11 నుంచి జూలై 9, 2026 వరకు జరిగే ఈ మెగా ఈవెంట్కు అమెరికా, మెక్సికో, కెనడా సంయుక్త ఆతిథ్యం ఇస్తాయి. క్వార్టర్ ఫైనల్స్ నుంచి అన్ని మ్యాచ్లు అమెరికాలోనే జరుగుతాయి.
ఇంకా ఆరు అర్హత స్థానాలు ఖరారు కావలసి ఉంది. 12వ ర్యాంక్లో ఉన్న ఇటలీతో పాటు 22 దేశాలు ఈ స్ధానాల కోసం పోటీ పడుతున్నాయి.
గ్రూప్-ఎ: మెక్సికో, దక్షిణాఫ్రికా, కొరియా, ప్లేఆఫ్-డి విజేత
గ్రూప్-బి: కెనడా, ఖతార్, స్విట్జర్లాండ్, ప్లేఆఫ్-ఎ విజేత
గ్రూప్-సి: బ్రెజిల్, హైతీ, మొరాకో, స్కాట్లాండ్
గ్రూప్-డి: అమెరికా, పరాగ్వే, ఆస్ట్రేలియా, ప్లేఆఫ్-సి విజేత
గ్రూప్-ఇ: జర్మనీ, కోట్ డి ఐవరీ, ఈక్వెడార్, కురాసోవో
గ్రూప్-ఎఫ్: నెదర్లాండ్స్, జపాన్, ట్యునీసియా, ప్లేఆఫ్-బి విజేత
గ్రూప్-జి: బెల్జియం, ఈజిప్ట్, ఇరాన్, న్యూజిలాండ్
గ్రూప్-హెచ్: స్పెయిన్, సౌదీ అరేబియా, ఉరుగ్వే, కాబో వర్డీ
గ్రూప్-ఐ: ఫ్రాన్స్, సెనెగల్, నార్వే, ప్లేఆఫ్-2 విజేత
గ్రూప్-జె: అర్జెంటీనా, అల్జీరియా, ఆస్ట్రియా, జోర్డాన్
గ్రూప్-కె: పోర్చుగల్, ఉజ్బెకిస్థాన్, కొలంబియా, ప్లేఆఫ్-1 విజేత
గ్రూప్-ఎల్: ఇంగ్లాండ్, క్రొయేషియా, పనామా, ఘనా
కామెంట్స్ (0)
ఇప్పటికి కామెంట్స్ లేవు
మొదటిగా కామెంట్ చేయండి!