బిగ్ బాస్ ఫేమ్ డీమాన్ పవన్-రీతూ చౌదరి బంధానికి ముగింపు..

బిగ్ బాస్ తెలుగు సీజన్ 9 ద్వారా మంచి గుర్తింపు తెచ్చుకున్న డీమాన్ పవన్, రీతూ చౌదరి జోడీ తమ స్నేహబంధానికి ముగింపు పలికినట్లు తెలుస్తోంది. షోలో వీరిద్దరి అల్లరి, కెమిస్ట్రీకి మంచి స్పందన రావడంతో సోషల్ మీడియాలోనూ ఈ జోడీకి ప్రత్యేకమైన క్రేజ్ ఏర్పడింది. అయితే కొంతకాలంగా వీరి మధ్య విభేదాలు ఉన్నాయంటూ ప్రచారం జరుగుతుండగా.. తాజాగా డీమాన్ పవన్ సోషల్ మీడియా వేదికగా చేసిన ఎమోషనల్ పోస్ట్‌తో ఈ విషయంపై స్పష్టత ఇచ్చారు.

రీతూ చౌదరితో తన బంధంపై వస్తున్న ట్రోలింగ్, నెగెటివిటీ, రూమర్లు తీవ్రంగా ఉన్నాయని పవన్ పేర్కొన్నారు. బిగ్ బాస్ హౌస్‌లో కనిపించేది, నిజ జీవితంలో జరిగేది వేర్వేరు విషయాలని చెబుతూ.. తామిద్దరం ఒకరినొకరు ఎప్పుడూ ఉపయోగించుకోలేదని, తమది నిజమైన స్నేహబంధమని వివరించారు. గత కొంతకాలంగా వ్యక్తిగత సమస్యలు, విభేదాలు, గొడవలు పెరగడంతో మనశ్శాంతి కోసం విడివిడిగా ప్రాజెక్టులు చేసుకోవాలని నిర్ణయించుకున్నట్లు తెలిపారు. ఇప్పటికే ఒకరినొకరు సోషల్ మీడియాలో అన్‌ఫాలో, బ్లాక్ చేసుకున్నామని చెప్పారు. ఇకపై ‘రివాన్’ కాంబినేషన్ ఉండదని, తమ స్నేహబంధం కూడా ముగిసిపోయిందని స్పష్టం చేశారు. తమ గురించి అనవసరమైన ఊహాగానాలు చేయకుండా ప్రైవసీని గౌరవించాలని పవన్ అభిమానులను కోరారు. దీంతో ఈ జోడీని అభిమానించే నెటిజన్లు నిరాశ వ్యక్తం చేస్తూ.. అసలు వీరి మధ్య ఏం జరిగిందంటూ చర్చించుకుంటున్నారు.