గోవా నుంచి రామేశ్వరం వరకు బైక్‌ ప్రయాణం.. రష్యాకు చెందిన ఇద్దరు మహిళల సాహసం

భారత్‌ పర్యటనలో భాగంగా రష్యాకు చెందిన ఇద్దరు మహిళలు గోవా నుంచి ద్విచక్ర వాహనంపై రామేశ్వరం చేరుకున్నారు. దేశంలోని వివిధ ప్రాంతాలతో పాటు విదేశాల నుంచి కూడా ప్రతిరోజూ పెద్ద సంఖ్యలో పర్యాటకులు రామేశ్వరం, ధనుష్కోటిని సందర్శిస్తుంటారు. ఈ క్రమంలో రష్యాకు చెందిన మనిషా (52), దియానా (50) విమానంలో గోవాకు చేరుకున్నారు. అక్కడి నుంచి ద్విచక్ర వాహనంపై తమ ప్రయాణాన్ని ప్రారంభించారు. కర్ణాటక, కేరళం రాష్ట్రాల్లోని పలు ప్రాంతాలను సందర్శిస్తూ శుక్రవారం రామనాథపురం జిల్లాకు చేరుకున్నారు.

ఈ సందర్భంగా తమ ప్రయాణం గురించి వారు మాట్లాడుతూ.. ముందుగా ధనుష్కోటిని సందర్శించి, అక్కడి నుంచి తిరిగి గోవాకు వెళ్లనున్నట్లు తెలిపారు. రోజుకు సుమారు 200 కిలోమీటర్ల దూరం ద్విచక్ర వాహనంపై ప్రయాణిస్తున్నట్లు వెల్లడించారు. భారతదేశంలోని వివిధ ప్రాంతాలను రోడ్డు మార్గంలో అన్వేషిస్తూ సాగిస్తున్న వీరి సాహసయాత్ర ఆసక్తిని కలిగిస్తోంది.