మరో ప్రేమకథకు దుల్కర్ సల్మాన్ సిద్ధం?

మలయాళ స్టార్ దుల్కర్ సల్మాన్ తెలుగు ప్రేక్షకులను మరోసారి అలరించేందుకు సిద్ధమవుతున్నాడు. ప్రస్తుతం పవన్ సాదినేని దర్శకత్వంలో రూపొందుతున్న భావోద్వేగభరిత చిత్రం ‘ఆకాశంలో ఒక తార’తో ప్రేక్షకుల ముందుకు రాబోతున్నాడు. ఈ సినిమా నవంబర్ 20న విడుదల కానుంది. ఇదిలా ఉంటే, మరో నేరుగా తెలుగు సినిమా కోసం ప్రముఖ నిర్మాణ సంస్థ మైత్రీ మూవీ మేకర్స్‌తో దుల్కర్ సల్మాన్ చేతులు కలపబోతున్నట్లు కొంతకాలంగా వార్తలు వినిపిస్తున్నాయి. తాజాగా ఈ ప్రాజెక్టుకు సంబంధించి మరో ఆసక్తికరమైన సమాచారం బయటకు వచ్చింది.

ఈ సినిమా ప్రేమ, వినోదం కలగలిపిన కథతో రూపొందనుందని, దీపక్ రెడ్డి దర్శకత్వం వహించే అవకాశం ఉందని సినీ వర్గాల్లో ప్రచారం జరుగుతోంది. అయితే ఈ విషయంపై చిత్ర బృందం నుంచి అధికారిక ప్రకటన రావాల్సి ఉంది. మరోవైపు దుల్కర్ సల్మాన్ ఇప్పటికే ‘శ్రీ శ్రీ’ అనే తెలుగు ప్రేమకథా చిత్రంలోనూ నటిస్తున్నాడు. రవి నెలకుడిటి దర్శకత్వం వహిస్తున్న ఈ సినిమాలో పూజా హెగ్డే కథానాయికగా కనిపించనుంది. ఇలా వరుస తెలుగు చిత్రాలతో బిజీగా ఉన్న దుల్కర్, కొత్త ప్రాజెక్టులతో ఎలాంటి విజయాలు అందుకుంటాడో చూడాలి.