బిగ్ బాస్ త్రిగుణ్‌ చిన్నప్పటి ఫొటో వైరల్‌.. గుర్తుపట్టారా?

బిగ్ బాస్‌ తెలుగు సీజన్‌ 10 ఆసక్తికరమైన టాస్కులు, గొడవలు, వ్యూహాలతో ప్రేక్షకులను అలరిస్తోంది. ఈ క్రమంలో హౌస్‌లోని కంటెస్టెంట్ల వ్యక్తిగత జీవితానికి సంబంధించిన విషయాలపై కూడా నెటిజన్లు ఆసక్తి చూపుతున్నారు. తాజాగా బిగ్ బాస్‌ తెలుగు 10 కంటెస్టెంట్‌ త్రిగుణ్‌ చిన్ననాటి రేర్‌ ఫొటో ఒకటి సోషల్ మీడియాలో వైరల్‌గా మారింది. ఈ ఫొటోలో చిన్నారి త్రిగుణ్‌ తన తల్లితో కలిసి తాజ్‌మహల్‌ ముందు నిలబడి ఫొటోకు పోజిచ్చాడు. చిన్ననాటి త్రిగుణ్‌ను చూసిన అభిమానులు ఈ ఫొటోను సోషల్ మీడియాలో విస్తృతంగా షేర్‌ చేస్తున్నారు.

త్రిగుణ్‌కు సినీ పరిశ్రమలో 15 ఏళ్లకు పైగా అనుభవం ఉంది. తొలుత ఆదిత్‌ అరుణ్‌ పేరుతో ప్రేక్షకులకు పరిచయమైన ఆయన.. 2009లో విడుదలైన ‘కథ’ సినిమాతో హీరోగా సినీ రంగ ప్రవేశం చేశారు. ఆ తర్వాత ‘గరుడ వేగ’, ‘24 కిస్సెస్‌’, ‘డియర్‌ మేఘ’తో పాటు పలు తెలుగు, తమిళ చిత్రాల్లో నటించారు. అనంతరం తన పేరును త్రిగుణ్‌గా మార్చుకున్నారు. ప్రస్తుతం బిగ్ బాస్‌ తెలుగు 10 హౌస్‌లో తన అభిప్రాయాలను స్పష్టంగా వ్యక్తం చేస్తూ, టాస్కుల్లో చురుగ్గా పాల్గొంటూ ప్రేక్షకుల దృష్టిని ఆకర్షిస్తున్నారు. హౌస్‌లో ఆయన గేమ్‌, ఇతర కంటెస్టెంట్లతో ఆయన వ్యవహారశైలిపై చర్చలు కొనసాగుతుండగా.. సోషల్ మీడియాలో మాత్రం త్రిగుణ్‌ చిన్ననాటి ఫొటోలు, కుటుంబ జ్ఞాపకాలు వైరల్‌గా మారుతున్నాయి.