బిగ్‌బాస్ 10 నామినేషన్స్‌లో రచ్చ.. సుధీర్-సృష్టి నుంచి చరణ్-ఝాన్సీ వరకు!

బిగ్‌బాస్ తెలుగు 10లో డే 15 నామినేషన్స్ ప్రక్రియతో హౌస్‌లో మరోసారి వేడి పెరిగింది. ముకేశ్‌ను కన్ఫెషన్ రూమ్‌కు పిలిచిన బిగ్‌బాస్ ‘టెంప్టేషన్స్ అండ్ టెన్షన్స్’ కార్డును అందించారు. ఈ అవకాశంతో ముకేశ్ ఈ వారం నామినేషన్స్ నుంచి ఇమ్యూనిటీ పొందే అవకాశం దక్కించుకున్నాడు. ఝాన్సీ ఇమ్యూనిటీని తీసుకోవాలా, లేక ఆమెను కెప్టెన్ పదవి నుంచి తొలగించి ఆ అవకాశాన్ని త్రిగున్‌కు ఇవ్వాలా అనే ఆప్షన్లు ఇవ్వగా, ముకేశ్ ఝాన్సీ ఇమ్యూనిటీని ఎంచుకున్నాడు.

ఆ తర్వాత నామినేషన్స్ ప్రక్రియలో పలు గొడవలు చోటుచేసుకున్నాయి. రామ్ ప్రసాద్ వంశీని నామినేట్ చేయగా, అతను ఇచ్చిన మరో అవకాశంతో రోహిత్ సుధీర్‌ను నామినేట్ చేశాడు. దీంతో సుధీర్, సృష్టి మధ్య తీవ్ర వాగ్వాదం జరిగింది. సుధీర్-త్రిగున్ మధ్య కూడా మాటల యుద్ధం చోటుచేసుకుంది. వర్షిణి సుధీర్, షాలినిని నామినేట్ చేయగా, సుధీర్ అమన్‌ను నామినేట్ చేశాడు. చరణ్ ఝాన్సీని నామినేట్ చేయడంతో ‘రైతు బిడ్డ’ అంశంపై ఇద్దరి మధ్య గొడవ జరిగింది. దేబ్జానీ కాఫీ దొంగతనం చేశాడనే కారణంతో త్రిగున్‌ను నామినేట్ చేసింది. నామినేషన్స్ పూర్తికాకముందే ఎపిసోడ్ ముగియడంతో మిగిలిన ప్రక్రియ తదుపరి ఎపిసోడ్‌లో కొనసాగనుంది.