సినిమాలు
9, సెప్టెంబర్ 2026, బుధవారం
బిగ్బాస్ తెలుగు 10 ప్రారంభమైనప్పటి నుంచే హౌస్లో వివాదాలు మొదలయ్యాయి. ముఖ్యంగా రోహిత్, త్రిగుణ్ మధ్య చోటుచేసుకుంటున్న విభేదాలు ఎపిసోడ్లలో ఆసక్తిని పెంచుతున్నాయి. తాజాగా విడుదలైన డే 3 ప్రోమోలోనూ వీరి మధ్య వివాదాలు మరింత ముదిరినట్లు కనిపిస్తోంది. ఈసారి కిచెన్ పనుల విషయంలో గొడవ మొదలైనట్లు ప్రోమో ద్వారా తెలుస్తోంది. బిగ్బాస్ ఇప్పటికే ఇంటిని బ్లూ, రెడ్ టీమ్లుగా విభజించగా.. హైరిస్క్ నుంచి నోరిస్క్ స్థానానికి వెళ్లేందుకు కంటెస్టెంట్లు టాస్కుల్లో పోటీ పడుతున్నారు.
కిచెన్ పనుల విషయంపై సుధీర్.. రోహిత్తో మాట్లాడినట్లు ప్రోమోలో కనిపించింది. ఏమైనా ఉంటే చెప్పాలని, తాను వచ్చి పని చేస్తానని రోహిత్ చెప్పగా.. అది తన విభాగమని, ప్రతిసారి వచ్చి చెప్పడం సాధ్యం కాదని సుధీర్ సమాధానమిచ్చాడు. అనంతరం అమన్తో మాట్లాడిన రోహిత్ తన అసంతృప్తిని వ్యక్తం చేశాడు. అంట్లు వేసిన ప్రతిసారీ తాను వచ్చి చూసుకోలేనని, చేతికి గ్లౌజ్ కూడా లేకపోవడంతో ఇబ్బందిగా ఉందని చెప్పాడు. దీంతో బిగ్బాస్ కీలక ప్రకటన చేస్తూ.. ఒక టీమ్ పూర్తిగా ఇంటి పనులు చేయాలని, మరో టీమ్ వాటిని పర్యవేక్షించాలని ఆదేశించాడు. ఏ టీమ్ ఏ పనులు చేస్తుందో చెప్పాలని కోరగా.. కిచెన్ పనుల్లో శ్రిష్టి, చైత్ర సహాయం చేస్తున్నారని, మరోవైపు నుంచి ఎలాంటి సహాయం లేదని రోహిత్ పేర్కొన్నాడు.
కామెంట్స్ (1)
Vote for mukesh