బిగ్‌బాస్‌ 10: ముకేష్‌ గౌడకు నాగార్జున గట్టి క్లాస్‌...

బిగ్‌బాస్‌ తెలుగు సీజన్‌ 10లో 48వ రోజు (అక్టోబర్‌ 24, 2026)కు సంబంధించిన తాజా ప్రోమో ప్రేక్షకుల్లో ఆసక్తిని పెంచుతోంది. ఈ వారం శివతో జరిగిన వివాదంలో ముకేష్‌ గౌడ మాట్లాడిన మాటలపై హోస్ట్‌ నాగార్జున తీవ్రంగా స్పందించారు. గతంలో ముకేష్‌ను జెంటిల్‌మెన్‌గా భావించానని గుర్తుచేస్తూ, అతడు ఉపయోగించిన పదాలను వీడియో రూపంలో చూపించారు. భావోద్వేగాలు ఎక్కువైనప్పటికీ మాటలపై నియంత్రణ ఉండాలని సూచించారు. మరోవైపు, నీతూను ఉద్దేశించి వర్షిణి చేసిన వ్యాఖ్యలపై కూడా నాగార్జున్‌ స్పందించారు. ఆటలో నీతూ తన సత్తా ఏమిటో చూపించిందని చెబుతూ వర్షిణికి కౌంటర్‌ ఇచ్చారు.

ఇదే సమయంలో నరేశ్‌ తెలివిగా ఆడుతున్న తీరును నాగార్జున ప్రశంసించారు. భావోద్వేగానికి గురైనా ఆటలో వెనక్కి తగ్గకుండా పోరాడిన దేబ్జానీని కూడా అభినందించారు. ఆమె ఆటతీరు హౌస్‌లో అందరూ గర్వపడేలా ఉందంటూ ప్రోత్సహించారు. ఇక షాలిని తిరిగి రావడంపై రాంప్రసాద్‌ అభిప్రాయాన్ని అడగ్గా, ఆమె రీఎంట్రీ తనకు నచ్చలేదని ఆయన స్పష్టం చేసినట్లు ప్రోమోలో కనిపించింది. ప్రశంసలు, ఘాటు వ్యాఖ్యలు, వ్యక్తిగత విభేదాలతో సాగిన ఈ ప్రోమో పూర్తి ఎపిసోడ్‌పై అంచనాలను పెంచుతోంది. నాగార్జున్‌ సూచనల తర్వాత ముకేష్‌, వర్షిణి తమ ఆటతీరులో మార్పులు చేసుకుంటారా? ఇతర కంటెస్టెంట్లు ఎలా స్పందిస్తారు? అన్నది పూర్తి ఎపిసోడ్‌లో చూడాలి.