నాన్‌వెజ్ ప్రియులు ఎక్కువగా ఇష్టపడే ఆహారాల్లో చేపలు ముఖ్యమైనవి. ఆరోగ్య నిపుణుల సూచనల ప్రకారం, చేప తలకాయ కూర తినడం వల్ల అనేక ఆరోగ్య ప్రయోజనాలు లభిస్తాయి. చేప తలలో విటమిన్ A, ఒమేగా-3 ఫ్యాటీ యాసిడ్లు, ఐరన్, జింక్, కాల్షియం వంటి పోషకాలు సమృద్ధిగా ఉంటాయి. ఇవి కళ్ల ఆరోగ్యాన్ని మెరుగుపరచడంతో పాటు మెదడు పనితీరును పెంచి జ్ఞాపకశక్తిని బలోపేతం చేస్తాయి. అందుకే మటన్, చికెన్ కంటే చేపలను ఆహారంలో చేర్చుకోవాలని డాక్టర్లు సూచిస్తున్నారు.

చేపలోని అన్ని భాగాల్లో చేప తల అత్యంత పోషక విలువలు కలిగినదిగా నిపుణులు చెబుతున్నారు. చేప మాంసంతో పోలిస్తే చేప తలలో 2–3 రెట్లు ఎక్కువ ఖనిజాలు ఉంటాయని ఆరోగ్య నిపుణుల అభిప్రాయం. ఇది గుండె ఆరోగ్యానికి మేలు చేయడమే కాకుండా రోగనిరోధక శక్తిని పెంచుతుంది. తరచుగా మతిమరుపుతో బాధపడేవారికి, అలాగే పిల్లలు మరియు వృద్ధులకు చేప తలకాయ కూర ఎంతో ఉపయోగకరంగా ఉంటుంది. అంతేకాదు, కిడ్నీల్లో రాళ్ల సమస్యను తగ్గించే గుణాలు కూడా చేప తలలో ఉన్నాయని వైద్యులు వెల్లడిస్తున్నారు.

చేప తల కర్రీని సాధారణ చేప కూరలానే రుచికరంగా వండుకోవచ్చు. ముందుగా చేప తలలను శుభ్రంగా కడిగి ఉప్పు, పసుపు, మసాలా పట్టించి పక్కన ఉంచాలి. తరువాత గిన్నెలో నూనె వేసి ఉల్లిపాయలు, అల్లం-వెల్లుల్లి పేస్ట్ వేయించి చేప తలలను వేసి కొద్దిసేపు ఉడకనివ్వాలి. అనంతరం చింతపండు రసం, కొబ్బరి పేస్ట్, మసాలా దినుసులు కలిపి నూనె పైకి తేలేవరకు ఉడికించి కొత్తిమీరతో గార్నిష్ చేస్తే, వేడి వేడి పోషకాలు నిండిన చేప తలకాయ కూర సిద్ధమవుతుంది.

గమనిక: ఇక్కడ ఇచ్చిన సమాచారం కేవలం అవగాహన కోసం మాత్రమే. దీనికి మేము ఎలాంటి బాధ్యత వహించము. ఏవైనా ఆరోగ్య సమస్యలు ఉంటే తప్పనిసరిగా వైద్యుడిని లేదా న్యూట్రిషనిస్ట్‌ను సంప్రదించి వారి సలహా మేరకు అనుసరించండి.

శోధించండి

మటన్, చికెన్ కంటే చేప తలే బెటర్ అంటున్న వైద్య నిపుణులు

వామ్మో..రూ.29 కోట్ల ధర పలికిన చేప