దీవానా మూవీ రివ్యూ : హృదయాలను హత్తుకునే ఫీల్ గుడ్ లవ్ స్టోరీనా?

విడుదల తేదీ: జూన్ 20, 2026

నటీనటులు: హర్షిత్ రెడ్డి, స్మేహ మణిమేగలై, నరేష్, ఝాన్సీ తదితరులు

దర్శకుడు: శ్రీకాంత్ సంగిశెట్టి

నిర్మాతలు: అర్హ మీడియా, వాసుదేవ్ కొప్పినేని, శ్రీదేవి కార్యంపూడి

సంగీత దర్శకుడు: ఈశ్వర్ చంద్

సినిమాటోగ్రాఫర్: వంశీ పచ్చిపులుసు

ఎడిటర్: రిషికేశ్ పసపల్

కథ:
మధ్యతరగతి కుటుంబానికి చెందిన మున్నా (హర్షిత్ రెడ్డి) స్నేహితులతో తిరుగుతూ, గొడవలు పడుతూ జీవించే యువకుడు. ఒక రోజు ప్రభుత్వ కార్యాలయంలో పనిచేసే అమూల్య (స్మేహ మణిమేగలై)ను చూసి ప్రేమలో పడతాడు. ఆమె ప్రేమను పొందేందుకు మున్నా చేసే ప్రయత్నాలు, అతని జీవితంలో చోటుచేసుకునే మార్పులు, భావోద్వేగ ప్రయాణం ఈ సినిమా కథ.

ప్లస్ పాయింట్లు:
‘దీవానా’ చిత్రానికి ప్రధాన బలం దాని రచన మరియు పాత్రల రూపకల్పన. ప్రతి పాత్రకు కథలో సరైన ప్రాధాన్యత ఉండటం సినిమాను ప్రత్యేకంగా నిలబెడుతుంది. హర్షిత్ రెడ్డి తన కెరీర్‌లోనే అత్యుత్తమ నటనను కనబరిచాడు. స్మేహ మణిమేగలై కూడా తన పాత్రలో చక్కగా నటించింది. తండ్రీ-కొడుకుల అనుబంధం, స్నేహం, ప్రేమ, భావోద్వేగాలు ప్రేక్షకులను ఆకట్టుకుంటాయి. ముఖ్యంగా రెండో భాగం సినిమాలో అత్యంత బలమైన అంశంగా నిలుస్తుంది.

మైనస్ పాయింట్లు:
సినిమా మొదటి భాగం కొంత నెమ్మదిగా సాగుతుంది. హీరోయిన్‌ను ఆకట్టుకునేందుకు హీరో చేసే ప్రయత్నాలు కొన్ని చోట్ల రొటీన్‌గా అనిపిస్తాయి. కొన్ని సన్నివేశాలు ట్రిమ్ చేసి ఉంటే మరింత బాగుండేది. అలాగే సినిమాలోని కొన్ని డిస్టర్బింగ్ ఎలిమెంట్స్ కొంతమంది ప్రేక్షకులకు అసౌకర్యంగా అనిపించే అవకాశం ఉంది.

సాంకేతిక విభాగం:
దర్శకుడు శ్రీకాంత్ సంగిశెట్టి సున్నితమైన అంశాలను ఎంతో మెచ్యూర్డ్‌గా హ్యాండిల్ చేశారు. ఈశ్వర్ చంద్ అందించిన సంగీతం సినిమాకు ప్రధాన ఆకర్షణగా నిలిచింది. వంశీ పచ్చిపులుసు సినిమాటోగ్రఫీ సహజత్వాన్ని తీసుకొచ్చింది. ఎడిటింగ్ మరింత కచ్చితంగా ఉండి ఉంటే బాగుండేది. నిర్మాణ విలువలు చాలా బాగున్నాయి.

తీర్పు:
మొత్తంగా ‘దీవానా’ ఒక హృదయాన్ని హత్తుకునే రొమాంటిక్ డ్రామా. బలమైన నటన, మంచి రచన, భావోద్వేగాలతో కూడిన రెండో భాగం సినిమాను ప్రత్యేకంగా నిలబెట్టాయి. రొమాంటిక్ డ్రామాలను ఇష్టపడే ప్రేక్షకులు ఈ చిత్రాన్ని తప్పకుండా చూడవచ్చు.

రేటింగ్: 2.75/5