తమిళనాడు సీఎంగా విజయ్ ప్రమాణ స్వీకారం!

విజయ్ మే 7న తమిళనాడు ముఖ్యమంత్రిగా ప్రమాణ స్వీకారం చేయనున్నట్లు సమాచారం. ఆయనతో పాటు సుమారు 20 మంది మంత్రులు కూడా ప్రమాణం చేసే అవకాశముంది. తమిళగ వెట్రి కళగం (టీవీకే) అతి పెద్ద పార్టీగా అవతరించి, దశాబ్దాలుగా కొనసాగుతున్న ద్రవిడ పార్టీల ఆధిపత్యాన్ని చెరిపేసింది. అయితే పూర్తి మెజార్టీ లేకపోవడంతో మిత్రపక్షాల మద్దతు కీలకమైంది.

సీపీఎం, సీపీఐ, పీఎంకే, వీసీకే వంటి మిత్రపక్షాలకు మంత్రివర్గంలో చోటు కల్పించే అవకాశముంది. బయటి మద్దతుతో కాకుండా, మిత్రపక్షాలను నేరుగా ప్రభుత్వంలో భాగస్వామ్యం చేయడం ద్వారా స్థిరమైన పాలన అందించాలనే వ్యూహంతో విజయ్ ముందుకు సాగుతున్నారు. ఇది తమిళనాడు రాజకీయాల్లో ఒక కొత్త అధ్యాయంగా నిలవనుంది.