యూసుఫ్‌గూడలో ఉద్రిక్తత ... కాంగ్రెస్ కార్యకర్తలపై ఆగ్రహం వ్యక్తం చేసిన మాగంటి సునీత గోపీనాథ్

యూసుఫ్‌గూడ సవేరా ఫంక్షన్ హాల్ సమీపంలో ఈరోజు ఉద్రిక్తత నెలకొంది. మాగంటి సునీత గోపీనాథ్ అక్కడ నిరసన తెలుపుతూ, కాంగ్రెస్ కార్యకర్తలు ఓటర్లను ప్రభావితం చేస్తున్నారని ఆరోపించారు. వార్తల ప్రకారం, కాంగ్రెస్ కార్యకర్తలు ఓటర్లను ఆటోల్లో తరలించి, ‘చేయి గుర్తు’ కు ఓటేయాలని ఒత్తిడి తెచ్చినట్లు సమాచారం. దీనిపై ఆగ్రహించిన సునీత గోపీనాథ్ వారిని ప్రశ్నించగా, రెండు వర్గాల మధ్య వాగ్వాదం చోటుచేసుకుంది.

ఆమె మాట్లాడుతూ, ఓటర్లను ప్రలోభాల ద్వారా భయపెట్టి, మోసం చేయడానికి ప్రయత్నాలు జరుగుతున్నాయని తీవ్ర అసంతృప్తి వ్యక్తం చేశారు. అధికారులు ప్రాంతంలో పరిస్థితిని అదుపులో ఉంచేందుకు చర్యలు చేపట్టారు.