డీలిమిటేషన్ పేరుతో బీజేపీ కుట్ర: కేటీఆర్!

కేటీఆర్ మేడ్చల్ జిల్లా పీర్జాదిగూడలో జరిగిన కార్యక్రమంలో పాల్గొనగా, కాంగ్రెస్ పార్టీకి చెందిన పలువురు మున్సిపల్ కౌన్సిలర్లు భారత రాష్ట్ర సమితిలో చేరారు. ఈ సందర్భంగా ఆయన మాట్లాడుతూ, లోక్‌సభ మరియు అసెంబ్లీ సీట్ల పెంపుపై కేంద్ర ప్రభుత్వం చెప్పేది ఒకటి, చేసేది మరొకటని విమర్శించారు. డీలిమిటేషన్ పేరుతో బీజేపీ కొత్త కుట్రకు తెరలేపుతోందని ఆరోపించారు.

దక్షిణాది రాష్ట్రాలకు అన్యాయం జరిగితే కల్వకుంట్ల చంద్రశేఖర్ రావు నాయకత్వంలో పోరాటం చేస్తామని స్పష్టం చేశారు. కాంగ్రెస్ ప్రభుత్వంపై తీవ్ర విమర్శలు చేస్తూ, ఎన్నికల హామీలు నెరవేర్చలేదని ఆరోపించారు. గత బీఆర్ఎస్ ప్రభుత్వం మహిళలకు రిజర్వేషన్లు, సంక్షేమ పథకాలు అమలు చేసిందని పేర్కొంటూ, ప్రస్తుతం అనేక పథకాలు రద్దయ్యాయని అన్నారు.