ఇప్పుడు తెలుగులో స్ట్రీమింగ్‌కు వస్తున్న సచిన్ డాక్యుమెంటరీ

ఐపీఎల్ ప్లే ఆఫ్స్ ఉత్కంఠ కొనసాగుతున్న నేపథ్యంలో క్రికెట్ అభిమానుల్లో ఆసక్తి పెరిగింది. ఈ క్రమంలో క్రికెట్ దిగ్గజం సచిన్ టెండుల్కర్ జీవితంపై రూపొందిన 'సచిన్: ఏ బిలియన్ డ్రీమ్స్' డాక్యుమెంటరీ ఓటీటీలో తెలుగులో స్ట్రీమింగ్‌కు సిద్ధమైంది.

2017లో థియేటర్లలో విడుదలైన ఈ డాక్యుమెంటరీలో సచిన్ క్రికెట్ ప్రయాణం, 2011 వన్డే వరల్డ్ కప్ విజయం, అరుదైన వీడియోలు వంటి అంశాలు చూపించారు. ఇప్పటికే హిందీ వెర్షన్ అందుబాటులో ఉండగా, ఇప్పుడు తెలుగు, తమిళ వెర్షన్లు మే 28, 29 తేదీల్లో ఆహా ఓటీటీలో విడుదల కానున్నాయి.