మాయా శక్తుల వెనుక దాగిన నిజం ఏంటి? వోక్స్ మెషీనా కొత్త అధ్యాయం!

ప్రపంచవ్యాప్తంగా అభిమానులను అలరిస్తున్న యానిమేటెడ్ ఫాంటసీ సిరీస్ ‘ది లెజెండ్ ఆఫ్ వోక్స్ మెషీనా’ సీజన్ 4 మరింత ఉత్కంఠభరితంగా మారబోతోంది. జూన్ 17 నుంచి ఎపిసోడ్లు 7 నుంచి 9 వరకు ప్రైమ్ వీడియోలో స్ట్రీమింగ్ కానున్నాయి. ఈ కొత్త ఎపిసోడ్లలో భారీ యాక్షన్ సన్నివేశాలు, భావోద్వేగ క్షణాలు, కథను మలుపుతిప్పే కీలక పరిణామాలు ఉండనున్నట్లు తెలుస్తోంది. ఫాంటసీ, అడ్వెంచర్, హ్యూమర్ మేళవింపుతో ఈ సిరీస్ ఇప్పటికే ప్రపంచవ్యాప్తంగా విశేష ఆదరణ పొందింది.

భారతీయ ప్రేక్షకులు ఈ ఎపిసోడ్లను ప్రైమ్ వీడియోలో వీక్షించవచ్చు. ప్రస్తుతం ఈ సిరీస్ ఇంగ్లీష్, హిందీ ఆడియోలతో పాటు సబ్‌టైటిల్స్‌లో అందుబాటులో ఉంది. తెలుగు డబ్బింగ్ కోసం కూడా అభిమానులు ఆసక్తిగా ఎదురుచూస్తున్నారు. గ్రాండ్ ఫినాలే దిశగా కథ సాగుతుండటంతో మ్యాజికల్ యుద్ధాలు, కీలక రహస్యాలు, ఉత్కంఠభరితమైన పరిణామాలు ప్రేక్షకులను ఆకట్టుకునే అవకాశముంది.