కార్మేని సెల్వం ఓటీటీలోకి

సముద్రఖని ప్రధాన పాత్రలో, గౌతమ్ వాసుదేవ్ మెనన్ కీలక పాత్రలో నటించిన కార్మేని సెల్వం కోలీవుడ్ నుంచి వచ్చిన ఒక ఫీల్ గుడ్ ఎంటర్టైనర్. రామ్ చక్రి దర్శకత్వంలో, అరుణ్ రంగరాజులు నిర్మించిన ఈ చిత్రం థియేటర్లలో పెద్దగా గుర్తింపు పొందలేదు. అయితే ఇప్పుడు ఈ సినిమా డిజిటల్ విడుదలకు సిద్ధమవుతుండడంతో మళ్లీ ప్రేక్షకుల దృష్టిని ఆకర్షిస్తోంది.

తాజా సమాచారం ప్రకారం, కార్మేని సెల్వం వచ్చే నెల 3 నుంచి ప్రైమ్ వీడియోలో స్ట్రీమింగ్ కానుంది. లక్ష్మీ ప్రియా చంద్రమౌళి, అభినయ, కార్తిక్ కుమార్ తదితరులు కీలక పాత్రల్లో నటించారు. సాధారణ కార్ డ్రైవర్ సెల్వం జీవితాన్ని ఆధారంగా చేసుకుని, ఒక నిజాయితీ గల సాధారణ మనిషి ఆధునిక సమాజంలో ఎదుర్కొనే సవాళ్లను, జీవిత ఒత్తిడులను భావోద్వేగంగా చూపించే కథ ఇది.