కాంత సినిమాను దుల్కర్‌ మరియు రానా ఎందుకు కలిసి నిర్మించారు ?

దుల్కర్‌ సల్మాన్‌ హీరోగా నటించిన కాంత సినిమా విడుదలకు ముందు నుంచే భారీ అంచనాలు రేపుతోంది. సెల్వమణి సెల్వరాజ్‌ దర్శకత్వంలో, దుల్కర్‌ మరియు రానా దగ్గుబాటి సంయుక్తంగా నిర్మించిన ఈ చిత్రం ఒక అరుదైన సినీ వేడుకగా భావిస్తున్నారు. రానా దగ్గుబాటి, సముద్రకని, భాగ్యశ్రీ బోర్స్‌ ముఖ్య పాత్రల్లో నటించారు. ఈ కథ 1950 ల సినిమా పరిశ్రమ నేపథ్యంతో రూపొందించిన కల్పిత కథ అని రానా వెల్లడించారు. ఇద్దరు కళాకారుల మధ్య సృజనాత్మక పోరాటం ఈ చిత్రంలోని ప్రధాన అంశమని తెలిపారు.

సినిమా టెక్నికల్‌ అంశాలలో కూడా ప్రత్యేక శ్రద్ధ తీసుకున్నారని రానా చెప్పారు. పాతాళ భైరవి వంటి క్లాసిక్‌ సినిమాల్లో ఉపయోగించిన పరికరాలను వెతికి తెచ్చి ఉపయోగించారని తెలిపారు. పోస్టర్ల కోసం చేతితో పెయింటింగ్‌ చేసే ఆర్టిస్టులను కూడా నియమించారు. మహానటి సినిమాకు కెమెరామెన్‌గా పనిచేసిన డానీ సాంచెజ్‌ లోపెజ్‌ తన ప్రత్యేక దృశ్యభావంతో ఈ చిత్రానికి గొప్పతనం తెచ్చారని చెప్పారు. నవంబర్‌ 14 న ప్రపంచవ్యాప్తంగా విడుదల కానున్న కాంతలో దర్శకుడు సెల్వమణి యొక్క అద్భుత దృష్టికోణం ప్రేక్షకులను ఆకట్టుకుంటుందని దుల్కర్‌ మరియు రానా నమ్మకంగా తెలిపారు.