‘వింటారా సరదాగా’కు మ్యూజికల్ బూస్ట్.. రెండో పాట ‘చింగారి’ రిలీజ్ డేట్ ఫిక్స్

అశోక్ గల్లా, శ్రీ గౌరీ ప్రియ జంటగా నటిస్తున్న లేటెస్ట్ చిత్రం ‘వింటారా సరదాగా’ ప్రేక్షకుల్లో మంచి అంచనాలను క్రియేట్ చేస్తోంది. ఉద్భవ్ రఘు దర్శకత్వంలో సితార ఎంటర్‌టైన్మెంట్స్, ఫార్చ్యూన్ ఫోర్ సినిమాస్ బ్యానర్లపై సూర్యదేవర నాగవంశీ, సాయి సౌజన్య ఈ సినిమాను నిర్మిస్తున్నారు. విజయ్ బుల్గానిన్ సంగీతం అందిస్తుండగా, రాహుల్ విజయ్, శివాత్మిక రాజశేఖర్ కీలక పాత్రల్లో కనిపించనున్నారు. ఇప్పటికే విడుదలైన టీజర్, గ్లింప్స్, ఫస్ట్ సాంగ్ మంచి రెస్పాన్స్ అందుకున్నాయి.

తాజాగా ఈ సినిమా నుంచి రెండో పాట ‘చింగారి’ను జూలై 2న విడుదల చేయనున్నట్లు మేకర్స్ ప్రకటించారు. సిద్ శ్రీరామ్, లిప్సికా పాడిన ఈ మెలోడీ సాంగ్ హృదయాలను హత్తుకునేలా ఉంటుందని చిత్రబృందం చెబుతోంది. విడుదల చేసిన పోస్టర్‌లో హీరో హీరోయిన్లు హగ్ చేసుకున్న సన్నివేశం వైరల్ అవుతోంది. విజయ్ బుల్గానిన్ సంగీతం, సిద్ శ్రీరామ్ వాయిస్‌తో ఈ పాట చార్ట్‌బస్టర్ అవుతుందని ఫ్యాన్స్ భావిస్తున్నారు.