విజయ్ ‘జిల్లా’ రీ-రిలీజ్‌కు అడ్వాన్స్ బుకింగ్స్ హడావుడి

తమిళ స్టార్ హీరో దళపతి విజయ్ నటించిన సూపర్ హిట్ చిత్రం ‘జిల్లా’ మరోసారి ప్రేక్షకులను అలరించేందుకు సిద్ధమవుతోంది. 2014 సంక్రాంతి సందర్భంగా విడుదలైన ఈ సినిమాలో మోహన్‌లాల్ కీలక పాత్రలో కనిపించగా, ఆర్.టి. నేసన్ దర్శకత్వం వహించారు. విజయ్ సరసన కాజల్ అగర్వాల్ హీరోయిన్‌గా నటించారు. సూరి, మహత్, నివేదా థామస్ తదితరులు ముఖ్య పాత్రల్లో నటించారు. డి. ఇమ్మాన్ సంగీతం అందించారు.

ఈ చిత్రాన్ని జూన్ 19న రీ-రిలీజ్ చేయనున్నారు. ఇప్పటికే అడ్వాన్స్ బుకింగ్స్‌కు ప్రేక్షకుల నుంచి భారీ స్పందన లభిస్తోంది. మొదటి రోజు ప్రదర్శనల కోసం వేల సంఖ్యలో టికెట్లు అమ్ముడైనట్లు సమాచారం. ఈ స్థాయి స్పందనతో ‘జిల్లా’ రీ-రిలీజ్‌లో కొత్త రికార్డులు సృష్టించే అవకాశం ఉందని అభిమానులు భావిస్తున్నారు.