విజయ్ దేవరకొండ దూకుడుకు బ్రేకుల్లేవు!

విజయ్ దేవరకొండ వరుస సినిమాలతో తన వేగాన్ని మరింత పెంచుతున్నారు. రణబాలి షూటింగ్‌తో పాటు డబ్బింగ్ కార్యక్రమాలను కూడా పూర్తి చేసిన విజయ్ దేవరకొండ తాజాగా మంగళూరుకు వెళ్లినట్లు సమాచారం. అక్కడ రౌడీ జనార్ధన కొత్త షెడ్యూల్ షూటింగ్ ప్రారంభం కానుంది. ఎలాంటి విరామం లేకుండా రెండు భారీ చిత్రాల పనులను వరుసగా పూర్తి చేసే దిశగా విజయ్ అడుగులు వేస్తున్నారు. మంగళూరులో ఈ సినిమా కోసం కీలకమైన యాక్షన్ సన్నివేశాలను చిత్రీకరించనున్నట్లు తెలుస్తోంది. దీంతో రౌడీ జనార్ధనపై కూడా అంచనాలు పెరుగుతున్నాయి. ఇప్పటికే వరుస ప్రాజెక్టులతో బిజీగా ఉన్న విజయ్ తన సినిమాల ఎంపికలోనూ ప్రత్యేకత చూపిస్తున్నారు.

మరోవైపు సినిమాలతో పాటు వ్యాపార రంగంలోనూ విజయ్ దేవరకొండ దూసుకెళ్తున్నారు. ఇటీవల ఆయన తన చర్మ సంరక్షణ బ్రాండ్ అన్‌హైప్‌ను ప్రారంభించారు. ఈ బ్రాండ్‌కు దేశవ్యాప్తంగా మంచి స్పందన లభిస్తోందని సమాచారం. ప్రారంభించిన కొద్దికాలంలోనే సామాజిక మాధ్యమాల్లో ఈ బ్రాండ్ గురించి చర్చ జరగడం విశేషంగా మారింది. ఒకవైపు సినిమాల షూటింగ్స్‌ను వేగంగా పూర్తి చేస్తూనే మరోవైపు తన వ్యాపారాన్ని కూడా ముందుకు తీసుకెళ్తున్నారు విజయ్. దీంతో ఆయన ప్రస్తుత దూకుడు సినీ వర్గాల్లో చర్చనీయాంశంగా మారింది.