'కొరియన్ కనకరాజు'పై వరుణ్ తేజ్ కాన్ఫిడెన్స్

మెగా ప్రిన్స్ వరుణ్ తేజ్ నటించిన ‘కొరియన్ కనకరాజు’ ఆగస్టు 7న ప్రపంచవ్యాప్తంగా విడుదలకు సిద్ధమైంది. మేర్లపాక గాంధీ దర్శకత్వంలో తెరకెక్కిన ఈ హారర్ కామెడీ చిత్రంపై ఇప్పటికే మంచి అంచనాలు నెలకొన్నాయి. ప్రీబుకింగ్స్‌కు వస్తున్న అద్భుతమైన స్పందన పట్ల ఆనందం వ్యక్తం చేసిన వరుణ్ తేజ్, ఈ సినిమా ప్రేక్షకులను కడుపుబ్బా నవ్వించే పూర్తి స్థాయి ఎంటర్‌టైనర్ అని అన్నారు. ఇందులో రెండు విభిన్న కోణాలున్న పాత్రలో నటించడం తనకు నటుడిగా ఎంతో సంతృప్తినిచ్చిందని తెలిపారు.

సినిమాలో కామెడీతో పాటు యాక్షన్, సూపర్‌నేచురల్ అంశాలు ప్రేక్షకులను ఆకట్టుకుంటాయని వరుణ్ తేజ్ చెప్పారు. దర్శకుడు మేర్లపాక గాంధీ, సంగీత దర్శకుడు తమన్, సహనటులు సత్య, రితిక నాయక్ సహా మొత్తం బృందం ఎంతో కష్టపడి ఈ చిత్రాన్ని రూపొందించిందన్నారు. ప్రేక్షకులు థియేటర్లలో కొత్త అనుభూతిని ఆస్వాదిస్తారని, ‘కొరియన్ కనకరాజు’ ఖచ్చితంగా అన్ని వర్గాల ప్రేక్షకులను అలరిస్తుందని ఆయన విశ్వాసం వ్యక్తం చేశారు.