ప్రభాస్‌కు 2027 కీలకం!

పాన్ ఇండియా స్టార్ ప్రభాస్ ప్రస్తుతం పలు ప్రతిష్టాత్మక ప్రాజెక్టులతో బిజీగా ఉన్నారు. ఈ ఏడాది విడుదలైన ‘ది రాజా సాబ్’ ఆశించిన స్థాయిలో విజయాన్ని అందుకోలేకపోయినా, ఆయన రాబోయే సినిమాలపై అభిమానుల్లో భారీ అంచనాలు ఉన్నాయి. హను రాఘవపూడి దర్శకత్వంలో తెరకెక్కుతున్న ‘ఫౌజీ’ చిత్రం కూడా వాయిదా పడే అవకాశముందని, అది 2027లో విడుదల కావచ్చని ప్రచారం జరుగుతోంది.

ఈ వార్తలు నిజమైతే 2027 ప్రభాస్ అభిమానులకు ప్రత్యేక సంవత్సరంగా మారనుంది. ‘ఫౌజీ’తో పాటు సందీప్ రెడ్డి వంగా దర్శకత్వంలో తెరకెక్కుతున్న ‘స్పిరిట్’, అలాగే యానిమేటెడ్ చిత్రం ‘బాహుబలి: ది ఎటర్నల్ వార్’ కూడా అదే ఏడాదిలో విడుదలయ్యే అవకాశాలు ఉన్నాయని సమాచారం. దీంతో ప్రభాస్ నుంచి వరుసగా భారీ చిత్రాలు రానుండటంతో అభిమానులు ఆసక్తిగా ఎదురుచూస్తున్నారు.