“ఆ కథలు సినిమాలకు పనికొస్తాయి” - అవికా గోర్

బుల్లితెర నుంచి సినిమాలకు వచ్చి గుర్తింపు పొందిన నటి అవికా గోర్ తన వ్యక్తిగత జీవితంపై వచ్చిన రూమర్లపై సరదాగా స్పందించారు. ‘అగ్లీ స్టోరీ’ సినిమా ప్రమోషన్స్‌లో పాల్గొన్న ఆమె, 18 ఏళ్ల వయసులో 32 ఏళ్ల నటుడిని పెళ్లి చేసుకుని రహస్యంగా బిడ్డకు జన్మనిచ్చానని వచ్చిన వార్తలు పూర్తిగా కల్పితమని తెలిపారు. మొదట ఆ వార్తలు చూసి షాక్ అయ్యానని, తర్వాత నవ్వొచ్చిందని చెప్పారు.

అలాంటి కథనాల సృజనాత్మకత చూసి ఆశ్చర్యపోయానని ఆమె సరదాగా వ్యాఖ్యానించారు. “అలాంటి కథలు రాసేవారు సినిమాలకు కథలు రాస్తే బాగుంటుంది” అని అన్నారు. ప్రస్తుతం తాను థాయ్‌లాండ్‌లోని బ్యాంకాక్‌లో భర్తతో కలిసి నివసిస్తున్నట్లు తెలిపారు. భర్త ట్రావెల్ కంపెనీలో పనిచేస్తున్నారని, ఇటీవల కొత్త ఇల్లు కొనుగోలు చేశామని చెప్పారు. సినిమాలకు దూరమయ్యాననే ప్రచారం నిజం కాదని, షూటింగ్స్ కోసం తరచూ భారత్‌కు వస్తున్నానని స్పష్టం చేశారు.