మళ్లీ ఊపిరి పోసుకుంటున్న శివకార్తికేయన్ సైన్స్ ఫిక్షన్ ప్రాజెక్ట్‌?

తమిళ హీరో శివకార్తికేయన్ నటించబోయే సైన్స్ ఫిక్షన్ చిత్రంపై వచ్చిన తాజా అప్‌డేట్ కోలీవుడ్‌లో చర్చనీయాంశంగా మారింది. ఈ చిత్రాన్ని వెంకట్ ప్రభు తెరకెక్కించనున్నట్లు ముందుగా ప్రకటించినప్పటికీ, భారీ బడ్జెట్ కారణంగా ప్రాజెక్ట్ ఆగిపోయిందన్న ప్రచారం జరిగింది. అయితే నిర్మాత టి. జి. త్యాగరాజన్ తాజాగా ఈ ప్రాజెక్ట్ డ్రాప్ కాలేదని స్పష్టం చేయడంతో అభిమానుల్లో మళ్లీ ఆశలు పెరిగాయి. ప్రస్తుతం ఈ సినిమా ప్రీ-ప్రొడక్షన్ పనులు చివరి దశలో ఉన్నట్లు సమాచారం. ముఖ్యంగా సంగీత దర్శకుడిగా ఏ. ఆర్. రెహమాన్ పేరు వినిపించడం సినిమాపై మరింత హైప్‌ను తీసుకువచ్చింది.

ఇక శివకార్తికేయన్ ప్రస్తుతం శివకుమార్ మురుగేశన్ దర్శకత్వంలో ‘సెయోన్’ అనే రూరల్ డ్రామాలో నటిస్తున్నారు. ఈ చిత్రాన్ని కమల్ హాసన్ తన రాజ్ కమల్ ఫిల్మ్స్ ఇంటర్నేషనల్ బ్యానర్‌పై నిర్మిస్తున్నారు. ఈ సినిమా పూర్తైన తర్వాత సైన్స్ ఫిక్షన్ ప్రాజెక్ట్ పట్టాలెక్కే అవకాశం ఉంది. భారీ విజువల్స్, కొత్త కాన్సెప్ట్‌తో రాబోతున్న ఈ సినిమా కోలీవుడ్ దృష్టిని ఆకర్షిస్తోంది. ఈ చిత్రంతో శివకార్తికేయన్ మరో స్థాయికి వెళ్తారని అభిమానులు నమ్ముతున్నారు.