గ్రాండ్ రిలీజ్‌కు సిద్ధమైన శ్రద్ధాదాస్ ‘త్రికాల’!

మైథలాజికల్ ఫిక్షనల్ థ్రిల్లర్‌గా రూపొందిన త్రికాల చిత్రం మే 29న ప్రపంచవ్యాప్తంగా ప్రేక్షకుల ముందుకు రానుంది. శ్రద్ధాదాస్ ప్రధాన పాత్రలో నటిస్తున్న ఈ చిత్రానికి మణి తెల్లగూటి దర్శకత్వం వహించగా, రాధిక–శ్రీనివాస్ నిర్మించారు. మాస్టర్ మహేంద్రన్, అజయ్, ఆమని కీలక పాత్రల్లో కనిపించనున్న ఈ చిత్రాన్ని చాగంటి ప్రొడక్షన్ LLP ప్రపంచవ్యాప్తంగా విడుదల చేస్తోంది.

భారతీయ సనాతన ధర్మంలో దాగి ఉన్న ఆధ్యాత్మిక రహస్యాలను థ్రిల్లింగ్ ఎలిమెంట్స్‌తో మేళవించి రూపొందించిన ఈ చిత్రానికి హై క్వాలిటీ VFX ప్రధాన ఆకర్షణగా నిలవనుంది. ఇప్పటికే విడుదలైన ట్రైలర్‌, పాటలు, ప్రచార చిత్రాలకు మంచి స్పందన లభించింది. హర్షవర్ధన్ రామేశ్వర్ అందించిన సంగీతం సినిమాకు ప్రత్యేక ఆకర్షణగా నిలుస్తుందని చిత్రబృందం తెలిపింది. నార్త్ ఇండియాలో కూడా ఈ చిత్రానికి మంచి బిజినెస్ జరిగినట్లు నిర్మాతలు వెల్లడించారు.