యూఎస్‌లో దూసుకెళ్తున్న ‘మా ఇంటి బంగారం’..

స్టార్ బ్యూటీ సమంత ప్రధాన పాత్రలో నందిని రెడ్డి దర్శకత్వంలో తెరకెక్కుతున్న యాక్షన్ ఫ్యామిలీ డ్రామా ‘మా ఇంటి బంగారం’ విడుదలకు ముందు మంచి బజ్ క్రియేట్ చేస్తోంది. టీజర్, గ్లింప్స్‌తో ప్రేక్షకుల్లో ఆసక్తి పెంచిన ఈ సినిమా ఇప్పుడు థియేట్రికల్ రిలీజ్‌కు సిద్ధమవుతోంది. సమంత తన స్టార్ పవర్‌ను మరోసారి బలంగా చూపిస్తోందని ట్రేడ్ వర్గాలు చెబుతున్నాయి.

‘యశోద’ తరహాలోనే ఈ సినిమాకు కూడా ఓవర్సీస్‌లో మంచి రెస్పాన్స్ వస్తోంది. యూఎస్ మార్కెట్‌లో ఇప్పటికే 3 లక్షల డాలర్లకు పైగా ప్రీ సేల్స్ నమోదు కాగా, తెలుగు రాష్ట్రాల్లో కూడా బుకింగ్స్ ట్రెండింగ్‌లో ఉన్నాయి. సమంత ప్రధాన పాత్రతో పాటు ఈ సినిమాను నిర్మించగా, కథను ఆమె భర్త రాజ్ నిడిమోరు అందించడం ఈ ప్రాజెక్ట్‌పై మరింత ఆసక్తిని పెంచుతోంది.