అధికారిక విడుదలకు ముందే వైరల్‌గా మారిన రామాయణ ట్రైలర్ లీక్

బాలీవుడ్‌లో అత్యంత ప్రతిష్టాత్మకంగా తెరకెక్కుతున్న పాన్ వరల్డ్ చిత్రం రామాయణ ట్రైలర్ లాంచ్‌తో సోషల్ మీడియాలో భారీ చర్చ మొదలైంది. రణబీర్ కపూర్, సాయి పల్లవి, యష్, సన్నీ డియోల్ ప్రధాన పాత్రల్లో నటిస్తున్న ఈ చిత్రాన్ని నితీష్ తివారి అత్యంత భారీ స్థాయిలో రూపొందిస్తున్నారు. ట్రైలర్ లాంచ్ అనంతరం తక్కువ నాణ్యతలో లీకైన కొన్ని విజువల్స్ సోషల్ మీడియాలో వేగంగా వైరల్ అయ్యాయి.

అయితే ఆ లీకైన క్లిప్స్ ఆధారంగా సినిమాపై ముందుగానే నిర్ణయానికి రావడం సరికాదని సినీ వర్గాలు సూచిస్తున్నాయి. అధికారిక హై క్వాలిటీ ట్రైలర్ విడుదలైన తర్వాతే సినిమా అసలు విజువల్ అనుభూతి తెలుస్తుందని చెబుతున్నారు. హాన్స్ జిమ్మర్, ఏ.ఆర్. రెహమాన్ సంగీతం అందిస్తున్న ఈ చిత్రం ఈ ఏడాది దీపావళి సందర్భంగా ప్రపంచవ్యాప్తంగా గ్రాండ్‌గా విడుదల కానుంది.