ప్రభాస్ గొప్ప మనసుకు మరో నిదర్శనం !

ప్రభాస్ మరోసారి తన గొప్ప మనసుతో అభిమానుల ప్రశంసలు అందుకుంటున్నారు. బాహుబలి 2: ది కన్‌క్లూజన్ కోసం దాదాపు ఐదేళ్ల పాటు ప్రత్యేక శిక్షణ తీసుకున్న తర్వాత ఉపయోగించిన ఖరీదైన జిమ్ పరికరాలను యువ క్రీడాకారులకు అందుబాటులో ఉండేలా దానం చేసినట్టు ప్రచారం జరుగుతోంది. ప్రపంచ స్థాయి వ్యాయామ సదుపాయాలు పొందలేని యువ అథ్లెట్లు, బాడీ బిల్డర్లకు ఈ పరికరాలు ఉపయోగపడేలా ఒక సంస్థకు ఇచ్చినట్టు సమాచారం.

బాహుబలి సినిమా కోసం ప్రభాస్ కఠినమైన వ్యాయామాలు, ప్రత్యేక ఆహార నియమాలు పాటిస్తూ భారీ శారీరక మార్పు సాధించారు. ఈ ప్రయాణం తర్వాత చేసిన ఈ సహాయం ఇప్పుడు సోషల్ మీడియాలో వైరల్ అవుతోంది. మరోవైపు ప్రభాస్ ప్రస్తుతం పలు భారీ సినిమాలతో బిజీగా ఉన్నారు. అభిమానులు మాత్రం స్టార్‌డమ్ కంటే ఆయన మానవత్వమే గొప్పదంటూ ప్రశంసిస్తున్నారు.