విడుదలకు ముందు ‘సందిగ్ధం’పై ఆసక్తి పెంచిన పార్థసారథి చిత్రం

తీర్థ క్రియేషన్స్ బ్యానర్‌పై సంధ్య తిరువీధుల నిర్మాణంలో పార్థసారథి కొమ్మోజు దర్శకత్వంలో రూపొందిన సందిగ్ధం సినిమా ఈ నెల 29 న విడుదలకు సిద్ధమవుతోంది. నిహాల్, ప్రియా దేశ్ పాగ్, అర్జున్ సిహెచ్, కాజల్ తివారి ప్రధాన పాత్రల్లో నటించగా, విలన్ పాత్రలో నవీన్ సంకరపు కనిపించనున్నారు. ఇటీవల విడుదలైన ట్రైలర్‌కు మంచి స్పందన లభించింది. ట్రైలర్ లాంచ్ కార్యక్రమంలో చిత్రబృందం సినిమా అందరినీ ఆకట్టుకునేలా ఉంటుందని విశ్వాసం వ్యక్తం చేసింది.

దర్శకుడు పార్థసారథి మాట్లాడుతూ ఈ ప్రయాణంలో తన భార్య, నిర్మాత సంధ్యతో పాటు మొత్తం బృందం ఎంతో సహకరించిందని తెలిపారు. నటుడు నిహాల్ సినిమా విభిన్న కంటెంట్‌తో వస్తోందని చెప్పారు. కాజల్ తివారి సహా ఇతర నటీనటులు చిత్రబృందానికి కృతజ్ఞతలు తెలిపారు. సంగీత దర్శకుడు గౌతమ్ రవిరామ్ ఈ సినిమాకు సంగీతం, బ్యాక్‌గ్రౌండ్ స్కోర్ ప్రత్యేక ఆకర్షణగా ఉంటాయని తెలిపారు. చిత్రబృందం సందిగ్ధం విజయంపై ఆశాభావం వ్యక్తం చేసింది.