రవి తేజ ఫ్యామిలీ నుంచి కొత్త హీరో గ్రాండ్ ఎంట్రీకి

మాస్ మహారాజా రవి తేజ సోదరుడు నటుడు రఘు కుమారుడు యువ నటుడు మాధవ్ సినీ రంగ ప్రవేశానికి సిద్ధమయ్యాడు. ‘మారెమ్మ’ అనే పవర్‌ఫుల్ టైటిల్‌తో తెరకెక్కుతున్న ఈ గ్రామీణ యాక్షన్ డ్రామాను మంచాల నాగరాజ్ దర్శకత్వం వహిస్తున్నారు. మోక్ష ఆర్ట్స్ బ్యానర్‌పై మయూర్ రెడ్డి బండారు ప్రొడక్షన్ నంబర్ 1గా ఈ సినిమాను నిర్మిస్తున్నారు.

తాజాగా చిత్రబృందం సినిమాను జులై 2026లో గ్రాండ్ రిలీజ్ చేయనున్నట్లు ప్రకటించింది. ఈ సందర్భంగా విడుదల చేసిన కొత్త పోస్టర్‌లో బోనాల పండుగ వాతావరణం ఆకట్టుకుంటోంది. దేవతా భావన, పండుగ శోభతో కూడిన ఈ చిత్రం థియేటర్లలో దివ్య అనుభూతిని అందించనుందని మేకర్స్ తెలిపారు.