‘మహాశక్తి’ షూటింగ్ పూర్తి – న్యూ ఇయర్ ముందురోజు సెట్స్‌లో వేడుకలు

నటీనటుల సమిష్టి కృషితో రూపొందుతున్న నయనతార ప్రధాన పాత్రలోని తాజా దివ్యాత్మక చిత్రం ‘మూకుతి అమ్మన్‌ 2’ షూటింగ్ విజయవంతంగా పూర్తయింది. న్యూ ఇయర్ సెలబ్రేషన్స్‌కు ఒక రోజు ముందే చిత్ర యూనిట్ సభ్యులు సెట్స్‌లో కేక్ కట్ చేసి ఈ ప్రత్యేక సందర్భాన్ని ఆనందంగా జరుపుకున్నారు.

సుందర్‌. సి దర్శకత్వంలో తెరకెక్కిన ఈ చిత్రాన్ని ఐవీ ఎంటర్‌టైన్‌మెంట్ సంస్థతో కలిసి ఇషారి కె. గణేష్ నిర్మించారు. నయనతార మరోసారి శక్తివంతమైన పాత్రలో కనిపించనుండగా, ఈ సినిమా తెలుగులో ‘మహాశక్తి’ అనే టైటిల్‌తో ప్రేక్షకుల ముందుకు రానుంది.

ఈ చిత్రంలో దునియా విజయ్, రేజీనా, యోగిబాబు, ఊర్వశీ, అభినయ తదితరులు కీలక పాత్రల్లో నటించారు. ఇప్పటికే తొలి భాగమైన ‘మూకుతి అమ్మన్’ (తెలుగులో ‘అమ్మోరు తల్లి’) 2020లో ఓటీటీలో విడుదలై మంచి ఆదరణ పొందింది. ఆ చిత్రానికి ఆర్‌జే బాలాజీ దర్శకత్వం వహించగా, ఇప్పుడు సీక్వెల్‌పై కూడా ప్రేక్షకుల్లో మంచి అంచనాలు నెలకొన్నాయి.