దళపతి విజయ్ చాలా సరదాగా ఉంటారు: మాళవిక మోహనన్....

టాలీవుడ్‌, కోలీవుడ్‌లలో వరుస సినిమాలతో బిజీగా ఉన్న మాళవిక మోహనన్ తాజాగా తమిళ స్టార్ హీరో, తమిళనాడు ముఖ్యమంత్రి విజయ్ గురించి ఆసక్తికర వ్యాఖ్యలు చేశారు. ‘మాస్టర్’ సినిమా షూటింగ్ జ్ఞాపకాలను గుర్తుచేసుకుంటూ, ఎంత కష్టమైన సన్నివేశమైనా విజయ్ ఎంతో ప్రశాంతంగా, ప్రతి చిన్న విషయంపై దృష్టి పెడుతూ నటిస్తారని కొనియాడారు.

‘మాస్టర్’ షూటింగ్ తొలి రోజే తనకు కఠినమైన సీన్ ఎదురైందని, అప్పట్లో పూర్తిగా డైలాగ్స్‌పైనే దృష్టి పెట్టాల్సి వచ్చిందని మాళవిక తెలిపారు. అయితే విజయ్ మాత్రం సెట్స్‌లో అందరితో సరదాగా ఉంటూ వాతావరణాన్ని హాయిగా మార్చేస్తారని చెప్పారు. అలాగే మోహన్ లాల్, రజనీకాంత్, విజయ్ వంటి సీనియర్ స్టార్‌ల నుంచి సమయపాలన, క్రమశిక్షణ వంటి విలువలు నేర్చుకున్నానని వెల్లడించారు. షూటింగ్ సమయానికి ముందుగానే సెట్స్‌కు చేరుకోవడం వల్ల నిర్మాతలకు సమయం, డబ్బు ఆదా అవుతుందని పేర్కొన్నారు.