మెరుపులు, కొండలు, యాక్షన్.. ‘ఇంద్రపుత్ర’పై భారీ అంచనాలు!

యువ కథానాయకుడు కిరణ్ అబ్బవరం నటిస్తున్న కొత్త చిత్రానికి ఇంద్రపుత్ర అనే పవర్‌ఫుల్ టైటిల్‌ను ఖరారు చేస్తూ చిత్రబృందం ఫస్ట్ లుక్ పోస్టర్‌ను విడుదల చేసింది. మెరుపులు, భారీ కొండలు, యాక్షన్ అంశాలతో రూపొందించిన ఈ పోస్టర్ సినిమాపై ఆసక్తిని పెంచుతోంది. శ్రీకాంత్ పుప్పల దర్శకత్వం వహిస్తున్న ఈ చిత్రాన్ని జీ స్టూడియోస్, ప్రేరణ అరోరా సమర్పిస్తున్నారు. కీర్తన్ కథ అందించగా, తాన్వీ ఎన్. దత్తా రచన చేస్తున్నారు.

జీ స్టూడియోస్, ప్రేరణ అరోరా నిర్మాతలుగా వ్యవహరిస్తుండగా, కీర్తన్, కుసుమ్ అరోరా సహ నిర్మాతలుగా ఉన్నారు. ఫస్ట్ లుక్‌ను చూస్తే సినిమాను భారీ స్థాయిలో యాక్షన్ అంశాలతో తెరకెక్కిస్తున్నట్లు తెలుస్తోంది. కిరణ్ అబ్బవరం ఇందులో శక్తివంతమైన పాత్రలో కనిపించనున్నట్లు అంచనాలు ఏర్పడ్డాయి. ఇంద్రపుత్ర చిత్రాన్ని 2027లో ప్రపంచవ్యాప్తంగా విడుదల చేయనున్నట్లు చిత్రబృందం ప్రకటించింది.