‘కే-13’లో కిరణ్ అబ్బవరంతో జతకట్టనున్న కన్నడ బ్యూటీ..

టాలీవుడ్ యువ హీరో కిరణ్ అబ్బవరం తన కెరీర్‌లో మరో కీలక అడుగు వేస్తూ కే-13 చిత్రంతో దర్శకుడిగా మారుతున్నాడు. ఈ చిత్రంలో హీరోగా నటించడంతో పాటు దర్శకత్వ బాధ్యతలను కూడా చేపడుతున్నాడు. ‘ఇచ్చట అన్ని రకాల ఎంటర్‌టైన్‌మెంట్ వండబడును’ అనే క్యాప్షన్‌తో విడుదలైన పోస్టర్ ఇప్పటికే ప్రేక్షకుల్లో ఆసక్తిని పెంచింది. జాయ్ ఫిల్మ్స్ బ్యానర్‌పై చాగంటి సుధాకర్ భారీ బడ్జెట్‌తో ఈ ఫ్యామిలీ ఎంటర్‌టైనర్‌ను నిర్మిస్తున్నారు.

ఈ చిత్రంలో కిరణ్ అబ్బవరం సరసన కన్నడ నటి దేవికా భట్ హీరోయిన్‌గా ఎంపికైనట్లు మేకర్స్ ప్రకటించారు. ఇటీవల జరిగిన పూజా కార్యక్రమాల్లో పాల్గొన్న ఆమె ప్రత్యేక ఆకర్షణగా నిలిచారు. భీమ్స్ సిసిరోలియో సంగీతం అందిస్తున్న ఈ చిత్రం ద్వారా దేవికా భట్ తెలుగు ప్రేక్షకులకు పరిచయం కానుంది. ప్రస్తుతం ఆమె ‘బృందా విహారి’ చిత్రంలో కూడా నటిస్తోంది. కే-13తో టాలీవుడ్‌లో ఆమె గ్రాండ్ ఎంట్రీ ఇవ్వనుంది.