ఓటీటీ
25, మే 2026, సోమవారం
తమిళ స్టార్ హీరో విజయ్ నటిస్తున్న భారీ చిత్రం ‘జన నాయగన్’పై ప్రేక్షకుల్లో భారీ అంచనాలు నెలకొన్నాయి. గత కొన్ని వారాలుగా ఈ సినిమా విడుదల తేదీపై అనేక ఊహాగానాలు వినిపిస్తున్నాయి. అయితే ఇప్పుడు జూన్ 19వ తేదీని విడుదల తేదీగా ఫిక్స్ చేసినట్లు కోలీవుడ్ వర్గాల్లో టాక్ వినిపిస్తోంది. ముఖ్యంగా విజయ్ పుట్టినరోజు జూన్ 22కు ముందు సినిమాను విడుదల చేయాలని నిర్మాతలు ప్లాన్ చేస్తున్నట్లు సమాచారం. ఇప్పటికే కొన్ని టికెట్ బుకింగ్ యాప్స్లో ఈ తేదీ కనిపించడంతో సోషల్ మీడియాలో ఈ వార్త వైరల్గా మారింది.
రాజకీయాల్లో అడుగుపెట్టిన తర్వాత విజయ్ నుంచి వస్తున్న తొలి సినిమా కావడంతో ‘జన నాయగన్’పై తమిళనాడులో ప్రత్యేక ఆసక్తి కనిపిస్తోంది. దర్శకుడు హెచ్ వినోద్ ఈ చిత్రాన్ని మాస్, ఎమోషనల్ ఎలిమెంట్స్తో తెరకెక్కిస్తున్నారని సమాచారం. ‘భగవంత్ కేసరి’ కథాంశానికి తమిళ నేటివిటీ జోడించి రూపొందిస్తున్నట్లు టాక్ వినిపిస్తోంది. మమిత బైజు కీలక పాత్రలో నటిస్తుండగా, అనిరుద్ సంగీతం అందిస్తున్నారు. భారీ బడ్జెట్తో తెరకెక్కుతున్న ఈ సినిమాపై ట్రేడ్ వర్గాల్లో కూడా భారీ అంచనాలు నెలకొన్నాయి.
కామెంట్స్ (0)
ఇప్పటికి కామెంట్స్ లేవు
మొదటిగా కామెంట్ చేయండి!