‘కాక్టైల్ 2’ పాట కాపీ ఆరోపణల వెనుక అసలు నిజం ఏమిటి ?

బాలీవుడ్ స్టార్ హీరో షాహిద్ కపూర్, కృతి సనన్, రష్మిక మందన్న నటిస్తున్న రొమాంటిక్ చిత్రం “కాక్టైల్ 2” జూన్ 19న థియేటర్లలో విడుదల కానుంది. ప్రమోషన్లలో భాగంగా ఇటీవల విడుదలైన “మషూకా” రొమాంటిక్ సాంగ్ సోషల్ మీడియాలో వివాదానికి కారణమైంది. ఈ ట్యూన్ 1993 నాటి ఒక ఇటాలియన్ సాంగ్‌ను పోలి ఉందంటూ నెటిజన్లు ట్రోల్ చేయడం మొదలుపెట్టారు.

ఈ వివాదంపై సంగీత దర్శకుడు ప్రీతమ్ చక్రవర్తి స్పందించి స్పష్టత ఇచ్చారు. తన ప్రతి పాటపై కొంతమంది కావాలనే కాపీ ఆరోపణలు చేస్తూ సోషల్ మీడియాలో తప్పుడు ప్రచారం చేస్తున్నారని ఆయన ఇన్‌స్టాగ్రామ్ ద్వారా తెలిపారు. ఊహాజనిత పోలికలను ఆధారంగా తీసుకుని వివాదాలు సృష్టించడం సరైంది కాదని ఆయన ఫైర్ అయ్యారు. ఆయన క్లారిటీ తర్వాత ఈ వివాదం కాస్త తగ్గినట్లు కనిపిస్తోంది.