రాహుల్‌ కోసం ‘రణబాలి’కి ఓకే చెప్పా - రష్మిక

‘రణబాలి’ చిత్రంలో నటించడానికి అంగీకరించడానికి గల కారణాన్ని రష్మిక మందన్న వెల్లడించింది. ఈ సినిమాకు దర్శకుడు రాహుల్‌ సాంకృత్యాయన్‌ ప్రధాన కారణమని ఆమె తెలిపింది. చాలా కాలంగా ఆయనతో కలిసి పనిచేయాలని కోరుకుంటున్నానని, ఎంతో ప్రతిభావంతుడైన దర్శకుడితో వచ్చే అవకాశాన్ని వదులుకోవాలని అనుకోలేదని చెప్పింది.

అలాగే విజయ్‌ దేవరకొండ హీరోగా నటిస్తున్నాడని తెలిసిన వెంటనే సినిమాకు అంగీకరించినట్లు రష్మిక తెలిపింది. చాలా కాలం తర్వాత విజయ్‌తో కలిసి ఒక సినిమా కోసం పనిచేస్తుండటం ‘రణబాలి’ని తనకు మరింత ప్రత్యేకంగా మార్చిందని పేర్కొంది. తన పాత్ర జయమ్మ గురించి కూడా ఆమె ప్రశంసలు కురిపించింది. భావోద్వేగాలతో కూడిన ఈ పాత్ర ఎంతో చక్కగా రూపుదిద్దుకున్నదని, ప్రేక్షకులకు బాగా కనెక్ట్‌ అవుతుందని రష్మిక చెప్పింది.