ఉప ఎన్నికలపై డాన్సర్స్ అసోసియేషన్‌లో వివాదం

రిజైన్ చేసిన సభ్యుల స్థానాలను భర్తీ చేసేందుకు డాన్సర్స్ అసోసియేషన్‌లో బైఎలక్షన్స్ నిర్వహించాలనే నిర్ణయంపై వివాదం నెలకొంది. అసోసియేషన్ అధ్యక్షురాలు సుమలత ఉప ఎన్నికలు నిర్వహించేందుకు సిద్ధమవుతుండగా, మెజారిటీ డాన్సర్స్ ఈ ఎన్నికలకు దూరంగా ఉన్నట్లు సమాచారం. ఉప ఎన్నికలు నిర్వహించవద్దని ఫెడరేషన్ కూడా సూచించినట్లు తెలుస్తోంది.

సుమలత నిర్ణయంపై ఫెడరేషన్ తీవ్ర ఆగ్రహం వ్యక్తం చేసింది. చిరంజీవి, ఫిల్మ్ ఛాంబర్, ఫెడరేషన్ నిర్ణయాలను పరిగణనలోకి తీసుకోకుండా బైఎలక్షన్స్ నిర్వహించడం సరికాదని ఫెడరేషన్ అభిప్రాయపడింది. ఈ వ్యవహారంపై డాన్సర్స్ అసోసియేషన్‌కు సహాయ నిరాకరణ చేస్తున్నట్లు ఫెడరేషన్ ప్రకటించింది. దీంతో అసోసియేషన్‌లో తాజా వివాదం నెలకొంది.