మన శంకర వర ప్రసాద్ గారు సినిమాకు ఆన్‌లైన్ రివ్యూలు నిషేధం ఆదేశాలు ఇచ్చిన కోర్టు

తెలుగు సినీ పరిశ్రమలో తొలిసారిగా మన శంకర వర ప్రసాద్ గారు సినిమాకు సంబంధించిన ఆన్‌లైన్ రేటింగ్స్, రివ్యూలపై కోర్టు ఆదేశాలతో ఆంక్షలు విధించారు. టికెటింగ్ ప్లాట్‌ఫామ్‌లపై జరుగుతున్న సంఘటిత నెగెటివ్ ప్రచారాలు, దురుద్దేశపూరిత రేటింగ్స్‌ను అడ్డుకునేందుకే ఈ నిర్ణయం తీసుకున్నారు. కోర్టు ఉత్తర్వుల మేరకు ప్రముఖ ప్లాట్‌ఫామ్‌లు రేటింగ్స్, రివ్యూలను నిలిపివేశాయి.

షైన్ స్క్రీన్స్ సినిమా నిర్మిస్తున్న ఈ చిత్రం జనవరి 12, 2026న విడుదల కానుంది. ఇప్పటికే ప్రేక్షకుల్లో భారీ ఆసక్తిని రేకెత్తిస్తున్న ఈ సినిమాపై ఈ నిర్ణయం సినీ వర్గాల్లో చర్చనీయాంశంగా మారింది. సినిమాలపై న్యాయమైన అభిప్రాయాలు ఏర్పడేలా చేయడంలో ఇది కీలక ముందడుగుగా పరిశ్రమ వర్గాలు భావిస్తున్నాయి.