వాలెంటైన్స్ డే స్పెషల్‌గా ‘కపుల్ ఫ్రెండ్లీ’ మూవీ

సంతోష్ శోభన్ మరియు మానస వారణాసి ప్రధాన పాత్రల్లో నటిస్తున్న రొమాంటిక్ ఎంటర్‌టైనర్ ‘కపుల్ ఫ్రెండ్లీ’ సినిమా ఫిబ్రవరి 14 న థియేటర్లలో విడుదలకానుంది. చెన్నై నేపథ్యంగా రూపొందుతున్న ఈ చిత్రం యువతను ఆకట్టుకునే ప్రేమకథతో పాటు ఆకర్షణీయమైన సంగీతంతో ప్రేక్షకులను అలరించనుంది.

ఈ రోజు మేకర్స్ ఈ సినిమాకు సంబంధించిన రిలీజ్ డేట్‌ను అధికారికంగా ప్రకటిస్తూ, హీరో–హీరోయిన్లతో కూడిన ఆకర్షణీయమైన పోస్టర్‌తో పాటు ఓ ప్రమోషనల్ వీడియోను విడుదల చేశారు. వీటిద్వారా సినిమా మూడ్‌, కథా శైలి, అలాగే జంట మధ్య కెమిస్ట్రీ ఎలా ఉండబోతోందో ప్రేక్షకులకు ఒక స్పష్టమైన అంచనాను ఇచ్చారు.

గత కొంతకాలంగా బాక్సాఫీస్ వద్ద ఎదురైన కఠిన పరిస్థితుల తర్వాత, సంతోష్ శోభన్ ఈ క్లీన్ అండ్ పాజిటివ్ రొమాంటిక్ చిత్రంపై భారీ ఆశలు పెట్టుకున్నారు. యూవీ కాన్సెప్ట్స్ బ్యానర్‌పై రూపొందుతున్న ఈ సినిమాకు అశ్విన్ చంద్రశేఖర్ దర్శకత్వం వహిస్తున్నారు.