షూటింగ్‌కు మళ్లీ సిద్ధమయిన బాలయ్య?

కొరటాల శివ దర్శకత్వంలో బాలయ్య బాబు హీరోగా తెరకెక్కనున్న కొత్త సినిమాపై ఇప్పటికే భారీ అంచనాలు నెలకొన్నాయి. ఈ చిత్రంలో బాలయ్య బాబు సరికొత్త మేకోవర్‌తో కనిపించనున్నట్టు తెలుస్తోంది. ప్రస్తుతం గాయం కారణంగా విశ్రాంతి తీసుకుంటున్న బాలయ్య బాబు, అక్టోబర్ మొదటి వారం నుంచి తిరిగి షూటింగ్‌లో పాల్గొనే అవకాశం ఉందట. ఈ సినిమా తొలి షెడ్యూల్‌ను అక్టోబర్ 2వ వారం నుంచి ప్రారంభించేందుకు చిత్రబృందం సన్నాహాలు చేస్తోంది.

మొదటగా తెరకెక్కించనున్న యాక్షన్ సన్నివేశాల కోసం ఇప్పటికే భారీ సెట్ నిర్మాణం జరుగుతోందని సమాచారం. ఈ సెట్‌లో బాలయ్య బాబు పాల్గొనే కీలక సన్నివేశాలను చిత్రీకరించనున్నారట. సుమారు 15 రోజులకు పైగా ఈ షెడ్యూల్ కొనసాగనుంది. సినిమాలో ఫ్యామిలీ ఎమోషన్స్‌కు ప్రాధాన్యం ఉంటుందని తెలుస్తోంది. దేవర తర్వాత కొరటాల శివ రూపొందిస్తున్న సినిమా కావడంతో కథపై ప్రత్యేక శ్రద్ధ పెట్టారట. సుధాకర్ చెరుకూరి నిర్మిస్తున్న ఈ చిత్రంపై అంచనాలు పెరుగుతున్నాయి.