అవతార్3.. 2025లో భారతదేశంలో అతిపెద్ద హాలీవుడ్ హిట్!

జేమ్స్ కామెరూన్ తెరకెక్కించిన అవతార్: ఫైర్ అండ్ యాష్ భారతదేశంలో 2025లో విడుదలైన అతిపెద్ద హాలీవుడ్ చిత్రంగా నిలిచింది. అద్భుతమైన బాక్సాఫీస్ వసూళ్లతో ఈ చిత్రం, భారత ప్రేక్షకుల్లో అవతార్ ఫ్రాంచైజ్‌కు ఉన్న అపార ఆదరణను మరోసారి నిరూపించింది.

క్రిస్మస్ సెలవుల్లో కూడా ఈ సినిమా తన జోరును కొనసాగించింది. కొత్తగా విడుదలైన అన్ని చిత్రాలను వెనక్కి నెట్టి, బాక్సాఫీస్ వద్ద ఆధిపత్యాన్ని కొనసాగించింది. అద్భుతమైన వర్డ్ ఆఫ్ మౌత్‌తో పాటు అన్ని ప్రాంతాల్లో థియేటర్లు నిండిపోవడంతో, రెండో వీకెండ్‌ కూడా ఈ సినిమా బలమైన అంచనాలతో దూసుకెళ్తోంది.

పండుగ సీజన్‌లో కుటుంబ ప్రేక్షకుల మొదటి ఎంపికగా మారిన అవతార్: ఫైర్ అండ్ యాష్, అన్ని వయస్సుల వారిని థియేటర్లకు రప్పించింది. ఇప్పటివరకు భారత బాక్సాఫీస్‌లో రూ.130 కోట్లకు పైగా వసూళ్లు సాధించిన ఈ చిత్రం, హాలీవుడ్ సినిమాల కోసం కొత్త రికార్డులను నెలకొల్పుతూ, ఈ ఏడాది అత్యంత ప్రభావవంతమైన సినీ విజయాల్లో ఒకటిగా నిలిచింది.