రేపు వరంగల్ లో అనగా అనగా ఒక రాజు మూవీ ప్రి రిలీజ్ ఈవెంట్: 14 న మూవీ రిలీజ్

నవీన్ పోలిశెట్టి నటించిన తాజా చిత్రం అనగనగా ఒక రాజు జనవరి 14 2026న సంక్రాంతి కానుకగా థియేటర్లలో విడుదల కానుంది. మారి దర్శకత్వం వహించిన ఈ సినిమాలో మీనాక్షి చౌదరి కథానాయికగా నటించగా, రావు రమేష్ కీలక పాత్రలో కనిపించనున్నారు. ఈ చిత్రానికి మిక్కీ జే మేయర్ సంగీతం అందించారు. గోదావరి జిల్లాల నేపథ్యంలో సాగే ఈ సినిమా పెళ్లి చుట్టూ తిరిగే గందరగోళం, హుషారైన డైలాగ్స్‌తో కూడిన పూర్తి స్థాయి కామెడీ మరియు ఫ్యామిలీ ఎంటర్‌టైనర్‌గా రూపొందింది.

సినిమా విడుదలకు ముందుగా అనగనగా ఒక రాజు ప్రీ రిలీజ్ ఈవెంట్ రేపు వరంగల్ (WGL)లో జరగనుంది. ఇటీవల విడుదలైన ట్రైలర్‌కు ప్రేక్షకుల నుంచి మంచి స్పందన లభించగా, నవీన్ పోలిశెట్టి తన మార్క్ కామెడీ టైమింగ్‌తో మరోసారి నవ్వుల పండుగకు సిద్ధమయ్యారని స్పష్టమైంది. ఈ సినిమాలోని భీమవరం బాలమ్మా పాటతో నవీన్ తొలిసారిగా గాయకుడిగా కూడా మారారు. జాతిరత్నాలు, మిస్ శెట్టి మిస్టర్ పోలిశెట్టి సినిమాల తర్వాత వస్తున్న చిత్రం కావడంతో భారీ అంచనాల నడుమ, ప్రభాస్, చిరంజీవి వంటి స్టార్ హీరోల సినిమాలతో పాటు సంక్రాంతి బరిలో ఈ చిత్రం పోటీ పడనుంది.